31-3-2013 超火大的一日

老闆琴日叫我地朝早５點落酒店大堂等就會有人接我地去Sarangot，不過等左１５分鐘都未有人來，問個職員，但佢又搵唔到老闆，超火大，嬲爆衝返上房訓覺，諗住訓醒拆左間酒店！

太嬲太嬲喇，根本訓唔著，所以５點幾６點就起身洗衫，洗完晾出陽台。

一拉開窗簾，嘩，魚尾峰呀！

<--魚尾峰

琴日下晝好多雲，遮晒成段雪山，我都唔知原來我地酒店房可以望到雪山。

<--日出

<--雪山

即刻開心返晒，影相囉～～～

影相睇日出，期間老闆打電話上來問我地How's the mountain view？嘩，無名火起，阻住我睇日出不特止，重要夠膽問我地山景如何？

收左佢線唔理佢，訓醒先落去同佢搏鬥。

訓醒落去，老闆即時道歉，話送個１小時boat trip俾我地，再即刻再三confirm明天行程，其實我地覺得尼泊爾人絕不可信，不過基於呢個原則之下，又唯有信佢，如果有乜事我住o係呢度都可以退錢吖。

然後食早餐，跟住去Fewa Lake泛舟。

<--湖中心的Barahi Temple

咁樣玩左一個鐘，之後又返酒店休息，然後出去搵間餐廳食飯睇書，好寫意哦。

Pokhara好奇怪，每逢下晝就會落雨，食飽飯見天黑晒，唔敢安排下晝的行程，只係行下食下野hea下就算。

等到落完雨我地決定去世界和平塔。

<--世界和平塔

按旅遊書所寫，我地可以搭船過湖對岸，然後行一個鐘上山就去到，不過見剛落完雨唔太敢行山路，所以搭的士。

講價後來回900RS，心諗都幾貴喎，不過原來條路堅恐怖，單程山路，係有石仔滾落山o個隻山路，冇防撞欄，呢度Ｄ司機堅好野，咁的路都可以開到車！

個塔聽聞係日本人俾錢起的，而個塔最靚就係佢可以望到成個Pokhara的景。

<--Pokhara全景

<--往世界和平塔沿途見到的動物救援隊

睇完個景，襯天黑前要落山了。

然後返酒店睇百鳥歸巢同畫畫。

夜晚又落大雨，去酒店附近的餐廳食飯，食左個chicken momo，出奇地好味！

<--超好味MOMO

食飽，回酒店睡了。