柬埔寨感想

1. 當地係用美金，所以駛費唔算平，但當然都唔太貴。

2. 在暹粒基本上所有旅館都有free wi-fi，即使去酒吧街食野都會有free wi-fi，返到來香港好多朋友都唔信咁先進，但事實上確是如此。（題外話：ipod touch真係好有用，可以影相聽歌上網打電話打機…抵蘋果發達）

3. 一定要買旅行保險，因為即使在大家印象中落後的地區，睇醫生都係好貴的。

4. 去暹粒主要都係睇吳哥遺址，佢有一、三同七日pass，如果只係睇主要寺廟，走馬看花一日都勉強可以，個人認為基本上三日係minimum。

5. 睇吳哥遺址，如果想知多Ｄ，真係唔好慳請番個導遊，英語導遊較易搵，佢亦有普通話導遊，但要早Ｄ托旅館負責人幫手搵。

6. 對"Library"一字有一個新的定義，因為參觀寺廟時，導遊成日指住Ｄ古蹟話係library，後尾問導遊，佢地的library原來唔止放書，亦會放貢品等。（即係似雜物室？）

7. 建議去埋Tonle Sap Lake，我在湖上的船中望住一望無際的湖食飯，當時真係覺得好幸福呢～

8. 今次柬埔寨旅程令我感觸幾深，一個人人臉上掛住微笑的國家，原來人民生活環境仍有好多存在的危險。當地小朋友好窮，佢地坐在地上玩泥沙都會玩得好開心，呢個情境令我重新思考快樂的定義。

9. 當地小朋友放學後會幫手賣野，佢地個個能操流利英語，甚至會講普通話，幾歲人仔最多學得幾年英文，香港十幾年免費教育下的英語根本冇藉口講得差。

10. 下次如果再去柬埔寨，我會帶Ｄ糖或小文具俾當地小朋友。

<--可愛小朋友