天真的我倆不知人間險惡（同埋都預左被佢宰），所以冇即時拒絕佢，以致種下禍根。
今早的節目係去Boracay的街市買海鮮，街市位於D*Talipapa，距離酒店約十分鐘步行路程。
佢個街市有點兒似大陸的街市，地方唔係好大，但都算多選擇。
街市
我超想食龍蝦，所以我地就買左一隻大龍蝦。
呢隻龍蝦原價1400peso，老細特價1200peso賣俾我地。
信我！好好味的！
之後見到d蝦好大隻，有成隻手掌咁長，我地忍唔住買左五隻。
真係超鮮甜
跟住見到生蠔，又好想食喎，於是又買多1kg。
見到魷魚，又一次忍唔住喇。
其實本人好想食魚，但我地得兩個人，食唔到咁多，所以唯有放棄啦…
個樣好似好新鮮呢
買完海鮮，我地放低d海鮮o係對面的一間餐廳，講低左煮法，我地就出去找尋Boracay最有名的酒店之一－Fridays的標誌。
Fridays位於station 1，由Talipapa行過去，都要20分鐘以上，期間，我地會經過Boracay另一地標－willy's rock。
Willy's Rock
呢舊石係o係海中，潮漲時水大約到胸腰位置，但潮退時，即會整個暴露於沙灘上。
不過個天又一次風雲色變，又打風落雨喇…唉…我要陽光與海灘，你俾番個陽光我呀！！！
Fridays的餐牌
Fridays貴為一間五星級酒店，逢星期五晚都會有特別節目，不過，太貴喇，呢d高價消費唔適合我。（其實都只係二三百一個人）
而家係落緊大雨架
影左幾張相，我地搭番島上的三輪車返酒店，換上泳衣，就返Talipapa食lunch。
今次的lunch果然非常豐富，大蝦異常鮮味，兩隻魷魚grill完後原來得番咁少，最開心係隻大龍蝦，真係有隻手臂咁大隻架！
食到好開心，呢一餐兌番港紙，連烹調費大約四百幾，真係好正！
跟住去左tourist information center買左兩件衫俾屋企人，然後返酒店。
隻狼，由早上九點幾等到我地下晝兩點，我覺得如果我地唔幫襯佢，佢會殺左我地跟住棄屍山頭。
本來諗住玩水上電單車、wakeboard同香蕉船，但太貴喇，水上電單車15分鐘要3000peso/2persons，wakeboard好似都要1800peso，香港玩wakeboard都只係$500/hour咋喎！香蕉船就要儲夠5個人，所以我地最後只係玩左水上電單車。
去到另一邊的沙灘，坐小船出去海中心的一隻木筏上，跟住就有個男人教我地點渣，個男人重講晒條路線要點行tim。
不過，到我地控制架車時，先發覺有咁大難度，開得快，我地又拗底，龜速咁開，激起勁大水浪兜口兜面打上來，所以唯有時快時慢咁開。
其實都幾好玩，不過實在太貴了，同場我地遇到對香港情侶，及後發覺佢地玩水上電單車，只係1800peso/2persons，更可惡係，我返香港上台灣論壇，發現當地農村居民月入只是6000peso，唔怪之得呢隻大豺狼由朝早開始捕住我地啦！
玩完水上電單車，我地再一次搭車去willy's rock，而家已經潮退，所以我地行左上去舊石度，之後再落水玩＂用背脊頂住個大浪＂的白痴遊戲。
水清沙幼
真係好大浪呢
長達七公里的沙灘
玩完浪，影完相，我地就返酒店的泳池游水。
游完水，沖埋涼，就前往D*Mall食飯，但路經Boracay Regency，見佢的buffet只係600peso一個人，於是又衝入去食了。
佢要執執門口的字喎
自選材料的意粉
幾日都冇食過菜，今次終於可以食下沙律了。
佢的生果都好好味，本來不太鍾意食芒果的我，都忍唔住整左一件。
食飽飽，我地以蟻速行番酒店。由於呢幾日都落雨，加上d沙痴左上對birkenstock度，刮到對腳損晒，所以我地要去tourist information center度買繃帶返去包紮呢。
攝於惡化前的爛腳
包紮完就zzz了。
今晚，繼續睇唔到星，激死人喇！
沒有留言:
張貼留言