7-4-2012 人生第一件名牌

今朝起身又去梵諦岡完成昨日未完成之旅。

st. peter's basilica係免費入場的，任何時間門口都係大排長龍，我地都要排左４５分鐘先入到去，期間重要同一堆堆企圖打尖的人鬥爭，最乞人憎係即使你話佢知佢打尖，佢都係會扮聽唔明繼續打尖，後尾有意大利人都睇唔過眼用意大利文叫佢地排隊，佢地嘰哩咕嚕一輪都係繼續唔走，完全吹佢地唔脹！

其中一個打尖的可惡女人

st. peter's basilica主要睇雕像，最出名係封晒玻璃的Pietà。

Pietà

好可惜，今次去到st. peter's basilica冇得租audio guide，否則聽住講解咁睇應該開心好多。

教堂內的雕像真係好靚

梵諦岡

梵諦岡的濕水鴿

參觀完st. peter's basilica，再在梵諦岡附近行一陣，然後搭地鐵去西班牙廣場。

西班牙階梯

先四圍行一陣先，其實有諗過行一陣跟住去睇下重有冇博物館行，但點知失控了。

出發前媽咪叫我幫佢買個疑似散紙包的物體，據我所知ferragamo有，見到西班牙廣場有ferragamo就行入去睇下囉。

由散紙包睇到銀包，後尾買左兩個一樣款但唔同色的銀包，一個我用一個亞媽用，咁買得俾亞媽，就買埋俾亞爸，買多個Prada，碌～爆～咭～

點解碌爆呢？因為一向不好名牌的我，出發前驚死意大利治安唔會被人老笠，將信用咭的簽帳額調低左，但真係超白痴，我去旅行基本上都著到成個乞衣咁，搵鬼打劫我呢Ｄ窮鬼！同行者又帶左張信用額極低的信用咭去，結果埋下明日悲劇的伏線。

在以為自己唔夠錢但其實真係夠錢的情況下，同伴幫唔到佢屋企人買prada大袋，而且因為今晚會搭機返米蘭，大袋又唔會寄艙，拎上機又會收兩件行李費，咁建議同伴不如去到米蘭先買啦，而同時間又要搵有wifi的地方打電話返香港同信用咭公司傾計加返大個簽帳額以便同伴幫屋企人買野。

同上述，大家以為自己唔夠錢幫人買野（注意，係幫人買咋喎），同伴心情極差，又早左返酒店拎行李去機場了。

我去旅行可以幫人買野，但如果我真係冇辦法請唔好向我發癲，我都唔想。是次故事教訓我要帶多Ｄ錢去旅行，中途簽唔到咭唔好叫人幫我簽住先，唔係真係無限悲劇。

返到米蘭十點幾，是晚住返Del Sole。