早餐都幾好味。
收捨行李，九點半導遊連司機就來到民宿門口接我地參觀太魯閣了。
本來我以為係兩人包車，但後來多左對住在同一民宿的新加坡男女一齊去太魯閣，冇問題啦。
首站去火車站買明天回台北的火車票，跟住去往太魯閣途中的一間七仔買糧水，山上的野比較貴哦。
但竟然在七仔驚見我部相機個鏡頭蓋打唔開，嘩，個保護鏡碎晒，都係o個句，好彩有買旅遊保險！
整理完部相機就出發上太魯閣了。
太魯閣入口
先在入口了解一下太魯閣的小知識，跟住司機就會帶我地去比較吸引的景點。
花蓮真係有好多大陸遊客，基本上山上一團團的都係國內團友。
太魯閣的山係石山，所以唔會有土石流，但會一大舊石咁跌落o黎壓死你，所以我地見好多內地團友都會戴晒安全帽，而且沿途都會見有部份景點因為跌石仔的關係而關閉。
第一站燕子口。
冇燕子的燕子口
高聳入雲的石山實在太震撼了，老實說，我冇諗過太魯閣的自然景會咁吸引，要不是之前看台灣綜藝節目見到一個當地資深導遊介紹太魯閣為台灣必遊景點，我都未必會去花蓮，更加未必會參觀太魯閣。
兩個印第安人？
跟住上車去岳王亭，由岳王亭行落去一條吊橋欣賞瀑布。
吊橋
影完瀑布，再影下慈母橋，又係時候食飯了，司機帶我地去布洛灣食原住民菜。
慈母橋
司機話之前試過帶遊客去食路邊攤，結果大家都肚痾，所以佢情願大家俾貴少少食得安全Ｄ。
呢餐真係唔算平，不過都幾好味。
餐廳門口
布洛灣就係我當時睇台灣節目介紹的景點，不過我地冇機會來住一晚，節目介紹話呢度又有得睇螢火蟲同有好多星星，不過今日天氣唔算好，所以都唔算好大損失的…
食飽飽，在布洛灣台地行一陣就上車去砂卡噹步道。
砂卡噹步道
砂卡噹步道最吸引就係佢藍色的水，真的好美！！！
但在欣賞美景的時候竟然被我見到有人吐痰！！！我唔知佢係邊度的遊客，但實在太可惡了！！！
影完相，趁天黑前離開去七星潭。
七星潭
台東海岸線一路都聽聞非常美麗，是次去七星潭可以略見一二，第一次聽七星潭呢個名又係睇台灣綜藝節目，當時主持人話要嘉賓去七星潭裝海水（？），鏡頭下的七星潭並無特別，不過去到又一次驚嘆大自然的偉大。
好大浪哦
七星潭超級大風大浪，同行的新加坡男女走避不及成腳濕晒，而我，只是坐在石灘上執石仔做手信，嘩哈哈哈…
手信，不過已經有人拒絕收呢份手信
司機話呢Ｄ石仔有七種顏色，我都真係執左唔少返香港。
之後再去埋七星潭旁的柴魚博物館就結束今日的包車旅程。
是晚轉民宿，住在市中心的小王子民宿，幸好司機車埋我地去民宿門口，我地去到根本唔知點樣搵民宿職員，要不是司機幫我地打電話，我地可能訓街！！！
放低行李就出去搵野食，在市中心求其搵間店舖食野，然後搭車去另一個夜市－南濱夜市。
南濱夜市食店比較少，但玩的野較多，不過都同台北夜市的射波呀差不多（即係我冇興趣），最開心係有得買煙花放，嘩，我好耐冇放過煙花喇！！！
狂燒一堆煙花後，又搭車去自強夜市食野，食飽，回民宿睡了。
沒有留言:
張貼留言