話說鼓浪嶼的景點都要收入場費，但只要較岩時間，其實可以慳番。
不過我係冇可能四五點起身晨運，所以唯有乖乖地付上六十大元上山。
識我的人都知我其實好少做運動，行上一個咁頹的山我都好似就快斷氣咁，好彩今日唔係好猛陽光，加上時間尚早，遊人不多，整個攻頂過程尚算成功。
去到日光岩喇
未上到鼓浪嶼最高點，先要經過一個寺廟，而日光岩上的石好多都刻晒字。
日光岩可以睇到成個鼓浪嶼，亦可以遠眺廈門同金門，所以好多人都會上去睇風景。
欣賞左一陣風景就落山了，因為實在太多人，中國遊客的習慣係成身大汗都會逼埋你身邊，或者推開你叫你讓位俾佢影相（但其實你係影緊架喎）。
跟住行落山，點知迷路，本來想去碼頭，但行左去相反方向，去左菽庄花園。
遠望日光岩
好累，想搭車返回碼頭，但竟然要40蚊一位，請問你同打劫有乜分別？
死死氣爬返碼頭，返房休息一陣先。
訓左個覺，跟住出去食午餐了。
本來想去張三瘋，但竟然客滿，最後改去babycat。
babycat cafe
食左個午餐，算貴，不過我又hea左佢成個鐘，哈哈…
babycat入面養左隻白貓，一隻小可憐蟲，被討厭的人類綁住左，跟住被無知的人用閃光燈閃佢對眼。
小可憐
其實小可憐都幾靚，但可惜，淪為賺錢工具。
食過午餐，看看地圖，想睇下島上的教堂，所以去了三一堂同天主堂。
去教堂途中都見到好多懷舊建築，又開始唔睇地圖，隨意亂行的旅遊模式了。
特色建築
呢度竟然冇乜遊客喎，終於可以享受鼓浪嶼的寧靜喇。
三一堂
終於去到三一堂，其實冇乜特別，大門上鎖，冇得入內參觀，隨便在外影左相算了。
跟住慢慢行去天主堂，途中又見到好多建築物。
唔記得係乜
另一間民宿外的小餐廳
人家話鼓浪嶼多貓，今日終於見到了，不過量不多，且全都激瘦。
行到好熱，突然見到有雪條賣，好開心，而且重只係兩蚊一支咋！
佢話用古法製，三小時不溶，但我當然等唔到三小時啦。
有好多種味架
買完雪條見到一家三口的小貓。
先行到商店小圈，跟住去另一個方向的天主堂。
途經兩間幾特別的小店。
趙小姐的店
聽聞趙小姐的店好出名，好多人會去買佢的餅，我自己都買左兩盒，味道唔錯啦。
另一間係隙屋。
隙屋
我在隙屋買左一疊postcards同一隻小貓茶匙，個老闆娘幾好傾架。
跟住行去天主堂。
好靚
但可惜又係冇得入去參觀。
沿途好多新人影結婚相，大熱天時我已經背心短褲，點解佢地可以化晒妝兼著咁多衫影相？
我企埋一邊睇下攝影師點影，好好笑，攝影哥哥似乎熱到心情大差，佢係不停對住對新人咆哮叫佢地點擺pose，最難得係對俾錢買service的新人係覺得自己唔岩咁聲都唔聲下。
哈哈…
之後回房間放低相機，去廈門中山路行下。
中山路，冇乜特別，又係多古建築，但我在鼓浪嶼已經影了好多，所以提不起太大興趣。
在佢的shopping mall行下街，有幾個shopping mall賣的小精品都幾得意，算做打發到一個下午。
返鼓浪嶼了。
食過晚飯，去左一間coffee shop發呆。
柳橙紅茶
跟住去影夜景了。
景左唔係好多，因為原來我兩舊電都冇晒電，哈哈哈哈…
今日好滿足呀。
沒有留言:
張貼留言