意匈梵之旅感想

今次的意匈之旅，我地選擇左去米蘭、熱那亞、五漁村、羅馬、布達佩斯呢五個城市加梵諦岡呢個小國。

米蘭：

1. 米蘭大教堂係最值得去的景點，亦係我在米蘭唯一有時間去的景點。

2. 大教堂值得上頂樓睇景，lonely planet話可以遠眺瑞士，我自我催眠見到的雪山一定係瑞士。

3. 米蘭物價貴，旅程中咁多杯gelato最貴在米蘭。

熱那亞、五漁村：

1. 小鎮人民比大城市熱情，熱那亞唔算係一線旅遊城市，但驚喜不斷，景點集中，本人強烈推介。

2. 水族館有多餘錢先去啦。

3. 熱那亞出名pesto，我在街邊小檔買左一樽返香港食，點餅乾都好好味。

4. 五漁村冇我想像中咁靚，而且佢Ｄ貓去晒邊？？？

5. 在熱那亞碼頭旁齋坐、曬太陽、發呆…已經感到好幸福。

６０６在五漁村

羅馬、梵諦岡：

1. 羅馬同梵諦岡物價唔算高，我買左唔少手信回港，最多都係一歐羅咋！

2. 羅馬真係好精彩，是次連梵諦岡共遊三日整日但都唔夠時間，好多景點都冇去。

3. 建議抽一整日在梵諦岡，上午先參觀教堂，下晝先去博物館，咁就唔駛好似我今次咁要去兩日了。

4. 其實內陸機同火車都唔係爭好多時間，我地預早去機場check in，然後又要搭機場巴士去火車站，加加埋埋時間都幾個鐘。

總結：

意大利治安冇我想像中咁差，地鐵冇網上描述咁恐怖，食物都冇朋友講到咁好味，哈哈…

布達佩斯：

1. 過去去旅行，通常睇相係靚過實景，但布達佩斯例外，在CASTLE HILL望落去PEST，真係靚到令我哇哇大叫！

2. 去布達佩斯記住預留時間浸溫泉，最少要三個鐘！

3. 治安不錯，PEST區內有好多舊樓，分分鐘動輒有過百年歷史。

4. 匈牙利菜好好味，留一個下晝去老咖啡店飲咖啡，絕對係一大享受。

5. 鵝肝好似話好抵買，不過我唔食內臟的，我只係買左Paprika回家，不過都未煮過。

６０６在鎖鏈橋前