先落樓下食Eder提供的早餐，非常豐富，雖然以麵包為主，但其實都好唔錯！特別是那個榖物包配芝士、辣肉腸就認真perfect！再加隻溏心雞蛋，嘩…yummy~~~~
Eder的外觀
食飽飽出門口，本打算去information center買明天往Fussen的車票，但原來未開門！於是我地就四圍行，其實都唔知自己去左什麼地方，只是覺得ｄ建築物幾靚！
等到information開門，問完相關資料，就去火車站買火車票，這裡的職員都好nice，我對德國初步的印象不錯！
有齊多班火車的資料，非常方便
買完火車票，就去Marienplatz附近的Viktualienmarkt行下，怎料太早，不是所有店舖都開了門，於是我地即刻改去拜仁主場參觀。
拜仁主場位於Frottmaning站，Allianz Arena外型好似一粒核，非常攪笑。
球場基本上是免費進入，但如果進入草地場就要跟導覽團，我地兩個其實不是拜仁fans，只是志在參觀，另外要替舅父買球衣，好貴呀！！！萬分不願意！！！
拜仁草地
去完拜仁，再返回Marienplatz，Viktualienmarkt的店舖終於開晒，有很多人，我地四圍行，四圍食野。
我地沿著Marienplatz走，行到去一個天主教教堂，我一向都好鍾意看歐洲的教堂，因為真的很漂亮。
我特別喜愛歐洲教堂的玻璃畫，透光進來是，非常美麗。
這個教堂其實有兩個半圓頂塔，其中一個可以上塔頂，當然要先付上３Euro，不過絕對值得花！因為從塔頂可以觀看整個Munich市景，而整個Munich之旅中，我最喜歡就是這個塔尖之旅了。
由A塔望去B塔
由塔頂望的Munich其中一邊市景
接著見到一張Bear Museum的poster，又係3Euro，但這個博物館真的無特別欣賞價值。
接著先回酒店稍事休息，再去Karlsplatz逛逛，其實Marienplatz同Karlsplatz很近，我地在不知不覺中已經去過，所以我地搭地鐵往Olympic Tower看看。
Olympic tower旁邊有個湖，唔知呢度係唔係ｄ休閒區呢？
BMW museum在tower隔離，由於之前已經上過雙塔，我地都無考究究竟可唔可以上去呢個tower，就直接行去BMW museum。
呢個museum都幾抵睇的，２Euro有好多靚車睇，不過始終車都不是我杯茶，所以我都冇仔細看介紹。
行埋呢個博物館，又返去marienplatz附近找野食。
我地在德國的日子只有兩日半，所以決定今晚豪食德國腸仔同德國咸豬手！我地去左呢間餐廳食野。
我地食左咸豬手同腸仔，好好味～雖然呢餐係我地行程中最貴的一餐，但…總係要豪一次的！
飲飽食醉就回酒店了，明早要出發去新天鵝堡呢！！！
沒有留言:
張貼留言