食飽飽，去火車站搭火車去La Spezia，呢程火車我一早在網上預訂mini票，單程７歐羅。
去到La Spezia，一落車就見到五漁村旅客服務中心的指示牌，先入去買張五漁村的1 day pass先。
606去五漁村
呢張pass可以無限次搭火車往返五條小村及La Spezia，我地去到La Spezia係早上十點，下一班往小村的火車係十一點，所以我地離開火車站四圍行下。
沿火車站外的斜路一路行就去到一個疑似市中心的地方，求其搵間舖頭食番杯gelato先，呢度物價低過米蘭好多。
沿火車站外的斜路一路行就去到一個疑似市中心的地方，求其搵間舖頭食番杯gelato先，呢度物價低過米蘭好多。
La Spezia
食飽行返上火車站搭火車，五漁村即是Cinque Terre，由五條村組成，但去年意大利水災後聽聞呢度係災區之一，今次去我地都冇乜大期望，諗住有唔妥就轉車去睇比撒斜塔。（搭多一個鐘火車咋）
首站去Monterosso，呢度冇乜特別，有一舊大石同一個石灘，影左幾張相就搭下一班火車去下一條村。
首站去Monterosso，呢度冇乜特別，有一舊大石同一個石灘，影左幾張相就搭下一班火車去下一條村。
Monterosso
第二站去Vernazza，呢度好明顯係水災的重災區，成條村爛晒，有排修復。沿路見到有海報叫人捐錢幫助條村重建。
Vernazza
Vernazza
我地行去海邊，坐在大石上影下相，跟住又搭下一班火車去第三站。
Manarola火車站
跳過冇去Corniglia，去左第四條村Manarola，呢條村都幾完整。平時我地見到Cinque Terre沿崖小屋的相就係呢度。
Manarola
落火車後行上山睇下教堂，然後又影下相hea下，風景唔錯。
之後行去海邊，沿住小路又影下相。
呢條村玩左最耐，影完相又食gelato同薯片，嘩哈哈哈…
最後搭車去最後一條村Riomaggiore，個人認為同Manarola差不多，都係沿崖屋、石堆咁。
之後行去海邊，沿住小路又影下相。
呢條村玩左最耐，影完相又食gelato同薯片，嘩哈哈哈…
最後搭車去最後一條村Riomaggiore，個人認為同Manarola差不多，都係沿崖屋、石堆咁。
Riomaggiore
Riomaggiore
去完五漁村，老實說有點失望，最初我知道呢條村係因為我睇左Neargo系列的書，上網有台灣的網友話五漁村都似Neargo咁多貓，但…貓呢？消失晒喇！我只係見到三隻咋。
可能我去過希臘Santorini，五漁村的沿崖屋我覺得不及Santorini，加上水災後，呢度令我印象不太深。
而且我冇睇晒資料就去，又冇去行山，返來香港先發現自己miss左一Ｄ景點。
不過，去旅行就係咁囉。
早了回La Spezia。
又行去疑似市中心啦，嘩…超多人呀！我懷疑成個鎮的人都去晒呢度。可能係有Ｄ節目，我沿途都見到有班老人家合唱團在街邊唱歌。
行行下又搵左間cafe坐低飲熱朱古力，好好味！朱古力的意大利文係cioccolato，要忌廉就係con panna。
是晚6:40火車回Genoa。好驚險，由於熱那亞有三個車站，好彩心血來潮拎張車票對一對，差Ｄ記錯站冇落車！
回酒店放低Ｄ野又出去食飯，同昨晚同一間餐廳，但冇咁好味。
可能我去過希臘Santorini，五漁村的沿崖屋我覺得不及Santorini，加上水災後，呢度令我印象不太深。
而且我冇睇晒資料就去，又冇去行山，返來香港先發現自己miss左一Ｄ景點。
不過，去旅行就係咁囉。
早了回La Spezia。
又行去疑似市中心啦，嘩…超多人呀！我懷疑成個鎮的人都去晒呢度。可能係有Ｄ節目，我沿途都見到有班老人家合唱團在街邊唱歌。
行行下又搵左間cafe坐低飲熱朱古力，好好味！朱古力的意大利文係cioccolato，要忌廉就係con panna。
是晚6:40火車回Genoa。好驚險，由於熱那亞有三個車站，好彩心血來潮拎張車票對一對，差Ｄ記錯站冇落車！
回酒店放低Ｄ野又出去食飯，同昨晚同一間餐廳，但冇咁好味。
沒有留言:
張貼留言