唉…冇歌聽我會好唔開心架…
出去四圍行下先。
無望地圖，以我最喜歡的旅行方式遊走鼓浪嶼，其實我唔知自己去左邊，只見路邊有好多好得意的建築。
不過掛晒衫，大剎風景
舊屋都保存得幾完整
今日係星期日，好多遊客來到鼓浪嶼，所以我都冇乜心機行。
之後行左去娜雅食早餐，邊食邊聽歌，幸好之前電話入左幾首歌，呢幾首歌就一直陪住我之後幾日的旅程。
他媽的貴，呢度要四十五蚊
選擇去娜雅，係因為之前網上見到娜雅有幾隻得意貓，食過早餐，就去玩貓。
反晒肚的污糟貓
熱到唔理人的貓
鼓浪嶼太多人喇，所以我搭船出去廈門睇下Ｄ標準景點。
首站南普陀寺。
係呢度喇
由於今次廈門之旅事前冇乜準備，所以我都唔知有乜景點好睇。
南普陀寺位於五老峰下，五老峰，個名好熟…好似係聖鬥士星矢中的紫龍習武的地方。
OK，斷估我o係呢度唔會睇到廬山昇龍霸，睇下佛寺啦。
南普陀寺
入去到，都係睇下佛寺，不過今日真係好熱好熱好熱好熱，所以我真係行得慢過隔離個亞伯。
逗留左一陣，影左Ｄ相就走人。
最初本來想在寺廟旁食下齋，但真係熱到冇胃口，所以爬左過去相距寺廟一分鐘路程的廈門大學參觀。
廈門大學
之前聽聞廈門大學係中國最靚最浪漫的大學之一，有人甚至話參觀完Ｄ人會後悔點解唔入廈門大學，就即管睇下係咪咁誇張。
以前都參觀過廣州的大學，相比之下，廈門大學的建築竟然令我覺得似英國，但其實真係唔知似英國邊度。
令我覺得似英國的建築
廈門大學真係幾大，其實我唔知自己身處位置，行到累，見到個湖就坐在湖邊的樹下乘涼。
芙蓉湖
在湖邊坐下，寫下日記，睇下書，聽下歌，一樂也。
坐左差不多一個鐘，起身行喇。
本來諗住行去廈門大學連接的沙灘，但天氣熱到真係乾蒸一樣，而且廈門大學好大，行極都重有，所以最後都放棄。
搵出口的中途經過該校的人類博物館，入去涼下冷氣先。
其實個博物館係幾多野睇架，不過唔准影相，所以你地有機會自己去睇下啦，哈哈…
估下佢係邊個？
離開廈門大學，搭巴士諗住去環島路行下，我搭到去胡里山炮台落車，見到環島路木棧道，應該係環島路的開頭呱？
係咪起點呢？
行左幾分鐘，大陽曝曬，無瓦遮頭，條路又不見盡頭，更恐怖係見唔到有車，所以我都係放棄，免得死在廈門環島路上。
由廈門大學可以行到出來呢個沙灘架
唔…跟住去邊呢？
搭的士，拎住張地圖請司機送我去南華路的咖啡室啦。
不過當架車去到南華路，條路好似有Ｄ奇怪，太過住宅feel，重要好似係發生命案一世都唔會有人發現咁的款，所以即時叫司機車我去另一間大路旁的咖啡室－黑糖（其實都唔算好近大路，但總好過南華路）。
黑糖
食左個芝士蛋糕，飲左杯檸茶，又睇書寫日記，聽下咖啡室播的jazz，呢Ｄ先叫做人生。
又一個鐘。
搭車回鼓浪嶼NaNa訓下覺先。
訓醒，出去食下野，跟住入夜後帶埋支腳出去影相。
是晚去左鄭成功像。
溫馨小提示，夜晚去唔駛俾入場費架。
鄭成功
跟住玩下長時間曝光先。
同我想像中差好遠
哈哈…真係要的起心肝請人教下我先。
沒有留言:
張貼留言