話說香港冇直航機飛清邁，所以最佳方法係經曼谷轉機（旅行社職員話可以經新加坡定台北飛）。
時差關係，飛到曼谷中午十二點幾。是次旅程搭Air Asia，但攪笑地即使兩程機都係同一間航空公司，佢係要求我地清關再入閘。
航空公司職員之前話最好預４個鐘，但我心諗，除非嚴重delay，否則點計都唔駛４個鐘嘛？
轉機時間下午三點幾，拎完行李再寄艙後，先在曼谷機場食個午餐先。
食飽飽，行行企企又夠鐘上機了。
一個鐘機，落機拎行李時可以在旁邊索取免費地圖，真好。
機場行李輸送帶上一隻勁污糟的白老虎
由機場去市中心的士一律120泰銖。
我地５日４夜的住宿都在old city內的Awana House，上網看過評價不俗，我地住最貴的山景房（因為怕street view嘈）都只係650泰銖一晚。
不過我建議可以住街景房，因為呢間旅館係屈左入小巷，完全唔嘈。
房內假窗
旅館天台景觀
settle down後，經旅館報名後日的local tour睇長頸族，然後出去四圍行。
原本諗住今晚去night market，但旅館職員話因為近日落雨，night market水浸前兩日都冇開，所以我地就打算四圍亂行算數。
行行下，有個tuk tuk司機問我地去唔去saturday night market，呢個夜市係星期六先開，之前睇書話規模不大，所以其實都冇諗住去。
但既然冇地方去，咁去下囉。
去到呢個＂規模唔大＂的夜市，真係嚇鬼死，行極都重有，咁都叫唔大？
saturday night market
周六市集烤魷魚, 但味道一般
一路行下買下又食下，不知不覺都行到九點幾，我地旅館對面有間按摩店，本來諗住搭tuk tuk返旅館按摩，但點知佢關門了。不過好在沿途我見到有幾間都有開，所以我地行左去按摩。
按左一個鐘，冇力，同埋本人極怕癢，哈哈哈哈…
按完沿途在路邊攤食左碗麵就回旅館睡了。
沒有留言:
張貼留言