22-9-2012 又煮泰菜喇

一早起身到酒店樓下享用超豐富早餐，然後搭的士去學煮泰國菜。

上次去曼谷跟Blue Elephant學，但今次上網睇過，學費要2800Bht/person，好貴呀！！！

後尾google搵到一間叫Silom cooking school的學校，只需1000Bht/person全包連的士費refund，好抵，即報。

搭的士途中司機突然話太遠要加50Bht，我完全唔知呢個係乜野理由，感覺又係被按住來搶錢。

但結果，只係搭咗87Bht，即係嫌賺得少啦！豈有此理！

去到集合地方，分組行街市，領隊，亦係我地的廚師會帶我地去睇下泰國當地的街市，介紹下常用的食材，都幾好玩。

<--廚師介紹泰國地道食材

大家拎住個籃好開心咁買菜，買完，去學校煮飯。

<--去街市

我地班有１８個人，分成兩組在兩間房煮飯，煮菜前大家要幫手洗野同準備食材，廚師會介紹一下我地將會用的材料，然後就出去煮飯。

<--有九個盤俾九個人裝材料

每煮完一道菜就可以即刻食返，成場我地煮咗冬蔭功、炒貴刁、雞沙律、咖哩雞同不知名甜品。

<--冬蔭功

<--老老實實, 真係幾好味~

好好味～～～

呢間學校同Blue Elephant不同之處，後者先由廚師示範煮，材料佢都準備好晒，只要倒落去就得，而今次自己要準備少許材料，而且一大班人一齊準備，所以好玩好多。

玩完，回酒店小休，然後出去Siam行商場。

在siam paragon食雪糕，平靚正！行完siam paragon跟住去central world同big c，買下手信，然後在big c樓上的mk restaurant食飯。

<--我近日最愛的海賊王呀!!!

咁，又一日。

P.S. 去過泰國咁多次都唔知原來可以退稅，只要買滿2000 Bht就可以退稅了，今日在Thann買了兩支香薰都二千幾了。