早排董大爺話四海一家好多野食，今日專登同家中兩老北上食野。
過到關十二點幾，又係由落馬洲過關，因為呢個關口太新淨，而且人又唔太多，推介！
先搭地鐵去世界之窗站，落車往A出口，一出去就去到益田假日廣場，四海一家就在三樓。
先在門外購票，售票員問：＂有冇雙子座？＂
第一次發現雙子座係有著數！今次重要有三隻雙子喎，原來當日係自己生日星座的話會有八折，嘩，好抵呀！$110一位。
呢個自助餐有乜野食呢？
一入到去張墊桌紙係一個地圖，裡面有晒成個自助餐廳的位置圖，你想食乜，睇下張地圖就知喇。
咁即係有乜野食呢？
以我的記憶：
巴西燒，日式鐵板燒，印度燒餅，四川辣品，煲仔菜，即蒸海鮮，生蠔燒蠔，刺身，迴轉壽司，甜品，無限添飲區包括酒…
夜晚重有鵝肝食呀！
都唔錯，所以我即日做埋會員喇，哈哈哈哈…
地址：益田假日廣場三樓
價錢：星期六日午市$138，晚市$178
食飽飽，行下呢個商場，呢度有間貴價超市Ole，不過冇乜野賣，驚喜係見到有大頭貓舖頭，但都係太貴了。
跟住再去書城買VCD/CD，然後返香港了。
沒有留言:
張貼留言