但原來一開窗簾，已經天光了。
嗚…冬天星座…
冇得睇星之下就繼續訓覺，訓到八點食早餐，之後就去resort外的沙灘繼續訓覺，哈哈…
一班打魚中的漁民
沙灘唔算乾淨，可能因為近漁港的關係，而早上仍會有漁民打魚。
以下將會有一張絕無不雅成分的全裸照。
小朋友幾時都係可愛的
沙灘上成日都會有好多小洞，某些小洞會發現小蟹。
呢埋d，呢埋d...
去完沙灘就返入resort享受下佢個靚靚泳池，唔知係咪時間尚早定根本旅客不多，成個泳池都冇人。
好大的泳池
泳池最正係佢池邊有個bar桌，可以游游下飲野。
好正！
不過好攪笑，佢係要即時俾錢，唔可以俾鎖匙佢睇房號記帳，邊有人游水帶錢架？好彩泳池近房，返房都好快拎到錢。
所以我都叫左杯mocktail飲。
好好味
游完水，返酒店沖涼梳洗，執埋野就要check out了。
再見Canary
我地先放低行李在resort，之後出去搵野食。
去到resort附近的一間餐廳坐低，第一餐唔係o係resort食呢！
我冇諗過noodle係呢一種，不過幾好味
同場叫左魚，麵同Oyster，但我點都估唔到oyster原來係…
呢d叫做Oyster？
不過幾抵食，港幣三十蚊兩大碟扇貝。
巴士下晝兩點由Mui Ne離開前往HCMC，有專車由resort接我地去轉大巴，非常好。
不過今次回程塞車，七點幾先返到HCMC。
即刻搭的士去今晚住的Oscar Saigon Hotel，之後出去檳城市場食晚飯。
又係去番第一晚的街邊檔啦，反正食過冇病冇痛，哈哈…
燒蟹
今次除左燒魚外，食左其他野。
個蝦的椰子係中空的，我都唔知除左吊蝦外有乜用
值得一讚的軟殼蟹！
超好味
食到好飽飽，行下檳城市場旁的街邊小檔，本想買民族衫，去到一個小檔，一條民族裙佢賣成二百蚊港紙，太貴了！
於是行左一陣就搭的士離開，去一間聽說蔡瀾介紹過的雪糕店。
其實我冇睇過蔡瀾呢個節目，只係聽人講過。
不過搭的士個司機竟然唔識路，同伴大動肝火，因為…只係一條直路佢都行左幾個圈，我都唔知佢係唔識路定兜路。
Fanny Ice-cream
聽聞呢間雪糕店係用新鮮材料製雪糕，我叫左隻香蕉船，叫左passion fruit雪芭，黑朱古力同埋一種叫做titti fruti（好似係咁上下的名，不過我食完都唔知係乜味）的雪糕。
食到勁飽，真係飽到傻左。
不過我覺得最好味的雪糕都係維也納中央車站hostel附近的雪糕店，而家食過好多間，都食唔番咁好味的雪糕。
聽日就離開越南了，有點兒不捨…
沒有留言:
張貼留言