乘早上8點國泰航空前往馬尼拉，接著下午3點才轉機去菠蘿雞（Boracay），一早要往機場，唯有坐的士。
候機時在機場的＂大力水手＂買早餐食
國泰機
國泰機果真係香港的龍頭大佬，經濟機位都比較闊，而且有得打機，如果長途機價錢便宜番一點，我相信佢會係我去旅行的首選。
不需兩小時，到達馬尼拉國際機場，先去行李帶拎行李。
再一次証明，香港的機場真係好好！
過境後，旅行社的職員已經在外，我地坐佢所安排的私家車，先去附近的Mall of Asia行街，兩個鐘後才去domestic airport。
在私家車內拍攝的馬尼拉街道圖
Mall of Asia係一個大型購物商場，裡面連溜冰場都有，但每個進入Mall of Asia的客人，都要先被搜身。
我地先去商場換錢，Kultura的rate最靚，1:5.34。
跟住四圍行同埋搵野食，呢度有屈臣氏，早知唔駛在香港帶日用品過來啦！呢間屈臣氏的＂來路貨＂較貴，但有幾多得意野，Johnsons好似在菲律賓幾受歡迎，有好多產品香港都未見過。
Mall of Asia地標－大地球
天呀！開始風雲變色
兩個鐘後，司機來接我地去domestic airport，期間，落大雨。
而家算點先？我想enjoy陽光與海灘，莫非我冇得同陽光玩遊戲？
Domestic airport保安都幾嚴，要除晒鞋咁過檢，不過關員好似check得有點頹。
有d似醫院大堂的候機室
本來三點的機，現場廣播話因天氣關係要delay，期間更加聽到有客機要cancel，超驚，本來已經時間不多，再cancel的話，真係會冇晒癮。
等呀等呀…已經有好多搭客衝去information counter度鬧職員，唉，其實你鬧佢地都冇用，佢地都控制唔到。
等到4:30p.m.，終於可以上機了，成架機的搭客都異常興奮（包括我），今次要飛45分鐘去Caticlan機場，再轉車往碼頭，搭船過Boracay碼頭，再轉車先去到酒店（哈，好似好複雜）。
Bye bye~~~ Manila
在飛機上所拍到的雲海
去到Caticlan機場，非常大雨，旅行社的職員亦來了接我地，搭車去到碼頭，間水上蜘蛛船，準備前往Boracay。
攝於蜘蛛船上，雖然震得好勁，但唔知點解我超鍾意呢張相
去到Boracay碼頭，再搭車去酒店，今次我地住在Alice in the wonderland，一間幾有特色的酒店，每一間房都係cottage，大部份房的balcony都有張吊床，說實在，我係睇中左張吊床先選擇入住呢間，除了吊床，呢間酒店其實麻麻。
執下野，整理一下儀容，又到食飯時間。
先講解一下Boracay，佢係一個小島，其中一邊分為三個stations的沙灘，以沙質來分段，station 1的沙最幼，亦係最出名的white beach所在地，station 3的沙最粗，但相對較靜，而station 2，則集中了大部分的餐廳店舖，最為熱鬧，而今次我選擇的Alice in the wonderland位於station 2，並不是向海，但前往沙灘只需2分鐘左右。
不過我萬萬估唔到原來呢個約長7公里的沙灘係咁大風大浪，我地前往D*Mall，亦即是集中多間餐廳的遊客聚腳點途中，遇到大風雨，沙灘上基本上都冇晒人，我地被吹起的風沙打到對腳都好痛，於是未到D*Mall，求其入去一間餐廳食buffet。
呢度的物價都偏低，好似今餐Buffet，只需180peso，大約30幾蚊港幣，但當然，咁的質素你唔好expect係正野，不過，志在填飽個肚。
每晚在沙灘都有人堆沙，你影相？俾錢咪得囉？既然俾左錢，我都光明正大地狂影了。
日日都有的堆沙圖案，只是日期會改。
食飽後我地行去D*Mall，呢度好多舖頭，好多餐廳，d野都好平，應該呢度就係買手信的地方喇。
D*Mall街景
D*Mall地標－摩天輪
去完D*Mall，行返酒店，在Balcony的吊床訓一陣，非常relax～今日舟車勞動，都比較疲勞，但係吹左海風的感覺，真係好有portable island（我最愛的psp遊戲） feel呢～
沒有留言:
張貼留言