其實都幾得意，搭一程地鐵竟然去到另一個國家。
我預先在網上訂了梵諦岡博物館的門票，當然要俾手續費啦，但係可以免卻排一個鐘頭的隊，都可以接受。
出發前朋友提醒我最好跟導賞團，但我book唔到我想去的團，所以我決定自己參觀算數。
約左十點的團，但一開頭我地行錯路，去錯左教堂的方向，即時飛奔返去博物館，遲左十五分鐘，好彩都有得入去。
埃及館的貓貓貓
Nile
放低大件行李，再租個audio guide就開始行喇，數年前睇資料知道雅典學院就在此博物館，所以今次最主要一定要睇呢幅畫。
雅典學院
成個博物館連sistine chapel行左四個幾鐘，夠皮囉！！！臨走買返本書同買返張postcard，真高興。［由於我係守法的小孩，sistine chapel話唔影得相我就唔會影，想留念？買本畫冊咪得囉！］
博物館內樓梯
行完博物館，被附近餐廳的十歐午餐吸引入去食飯，點知坐低先發覺只係得食野平，芬達一罐冇200ml係要3.8歐羅的！
食飽飽，行去St. Peter's Basilica參觀，呢個教堂係免費入場，長期都排長龍，我地去排隊時發現原來下晝入去係要拎門票的，所以唯有聽日再過來。
606去梵諦岡
冇門票，在梵諦岡行左一陣，跟住返酒店行息一下。
下晝五點幾，我地出去火車站的超市買個包準備今晚參加耶穌受難日彌撒。
Good Friday的彌撒在鬥獸場門外舉行，之前網上零資料，基本上都唔知係乜，但既然來到一個宗教氣色咁濃烈的國家，有機會就參加下啦。
彌撒晚上九點先開始，但寂寞星球話最少要早三個鐘去到門口排隊，我地搭地鐵都會飛左鬥獸場呢個站，在第二個站跟住人群行，其實都好快去到鬥獸場。
見到門口有人排隊我地又排，順面問下Ｄ警察，一輪雞同鴨講後確定自己冇排錯隊就等入場喇。
入場派蠟燭
幸運地企到一個幾前的位置，明明乜都唔識，又唔係教徒，但總係要衝去湊熱鬧。之前我所知的耶穌受難日彌撒，教宗係會模仿當年耶穌行苦路的路線，背十字架行一段路，不過唔知係咪我記錯左定成件事已經變晒呢？而家教宗只會坐在台上，後面有一個大十字架，帶領大家祈禱。
教宗呀教宗呀!!!
即係其實我係完全唔識意大利文啦，不過去旅行前走去學左一陣西班牙文，所以對住本免費的聖詩，Ｄ音拼下都有Ｄ頭緒，就在我地扮晒認真地祈禱時，竟然被當地電視台攝左入鏡。
嘩哈哈哈…兩個低能的中國人。
耶穌受難日彌撒冇乜特別，唔係教徒其實都唔推薦大家去。
彌撒後，行去地鐵站，晚上的羅馬鬥獸場好靚，是晚鬥獸場附近的街全部封路，感覺好似倒數後的尖沙咀一樣。
鬥獸場夜景
回酒店睡了。
沒有留言:
張貼留言