大約九點開車，一點鐘去到某地方（我都唔知佢車左我去邊）食中午飯，兩點鐘搭船入森林。
原來都有幾多人參加呢個團，不過有一班講廣東話的男仔（我估係馬來西亞華僑）真係好討厭，在旅遊巴上玩啤牌大吵大鬧，嘈足四個幾鐘！幸好我帶了I Pod塞住耳仔，但難為其他旅客要不停地被騷擾，訓都訓唔到。
中國人，大家可否生性一下，唔好做Ｄ野令其他人討厭自己，好嗎？
去到碼頭，我地要搭約三小時的船入森林，之前已經有位男士講過，大家有可能要落船幫手推船，不過另一點好攪笑，呢位男士要我地學習愛護大自然，包括水蛭。
噢，我真的很怕昆蟲的，開始擔心自己的森林之旅係咪決定得太過衝動。
森林入口
我地要搭呢Ｄ船入森林
其實三個鐘的船程並不難受，一路睇風景，一路吹住風，好快就到，慶幸我地並唔駛落船推船。
之前在網上搵唔到太多Taman Negara的資料，所以今次參加local tour我係買了full board package，佢包晒咁多餐兼安排晒所有車船酒店及活動。
我地係跟Han travel agency，選擇住在Mutiara Resort Chalet Room，整個package唔算貴，三日兩夜全包宴都唔駛港幣二千，住宿是整個Taman Negara中最好的一間。
入到森林，基本上呢一區都已經開發晒，我地的集合地點與用餐地點都在酒店對岸的floating restaurant，需要搭船往來河的兩邊。
如果我地唔搭旅行社安排的小船，就要坐小快艇過岸，每次收費１蚊馬幣。
真係貴過以前香港的街渡，噢，其實佢連渡海小輪都貴過…
已開發的森林區
Mutiara Resort
入到森林大約五點，先往酒店放低Ｄ野，今晚七點半集合，進行第一個活動。
呢個resort好大，有百幾間小屋，如果唔住小屋，亦可以選擇住hostel，八個人一間房。
resort內都有Ｄ小動物，我地第一日已經見到有山豬在小屋間跑來跑去。
由酒店望過對面岸
放低行李，出去影下相，到七點半就過對岸食晚飯了。
一如所料係大鑊飯，大家拎住隻碟排隊分飯與菜，味道唔算太差，可以接受。
食飽飯，睇一個關於Taman Negara的video，半個鐘後開始分組進行night jungle walk。
睇video期間，中國人又大吵大鬧，唉…
Video話Taman Negara比Amazon有更長遠歷史，其實我唔太明，一個森林點會由冇到有呢？點樣計到邊個森林歷史更長呢？
Night jungle walk其實不太特別，導遊帶領我地行一段小山路，期間會用電筒指俾我地睇有乜動植物，但其實我地只係見到蜘蛛同竹節蟲。
最特別係見到一棵樹有熊人抓過的痕跡。（不過係咪真就冇人知）
在森林入面，離遠見到隻疑似鹿的物體，不過其實我地只係透過電筒照到對發光的眼，隱約見到鹿的身型吧。
行了約一小時便散隊回酒店了。
回酒店途中，看見滿天星斗，我終於見到一條好清好清的銀河了！！！！！
好高興，好耐冇試過見到咁多星星了。
整晚都聽到蟬叫及雀仔的叫聲，大自然的噪音，大概如此。
沒有留言:
張貼留言