1-4-2012 歐洲第二大水族館

Genoa除了是意大利最大的港口外，佢亦擁有據聞係全歐洲第二大的水族館（網上話第一大在西班牙），今次熱那亞之旅的重點就係睇呢個水族館了。

一早起身望一望地圖，發覺Genoa原來有多世界遺產建築，而且位置集中，一場來到，冇理由唔睇，所以今日第一站就係睇遺產。


一堆世界遺產

通街都係舊建築，漫無目的地四圍行，途經San siro同Luca兩間教堂，在Luca教堂見到有個神父走出來灑聖水，八卦之下又跟埋Ｄ人行埋去睇下，中左兩滴聖水，不過同時有個女人指住我地的腳，哈哈…一齊踩狗屎。

即係咁，在意大利其實真係好多狗屎，同行者在米蘭已經踩過一野，我在熱那亞陪佢踩囉，哈哈哈哈…

踩完聖屎之後就行去水族館，入場費19歐羅，超～多～人～啊～

水族館入口

去過呢個水族館我就發現香港海洋公園真係打理得好好，起碼佢地魚缸的玻璃唔污糟。

在熱那亞水族館有一個地方有個水池可以俾Ｄ遊客摸Ｄ魚，不過…咁同虐待有乜分別？

條魚螢光色的

值唔值得去？如果你去開熱那亞又冇乜野做都可以一去，否則去香港海洋公園或者去曼谷個水族館好好多。不過熱那亞其實好精彩，我還有Ｎ個地方想去冇時間去呢！

去完水族館，又去port antico間bigo食野，不過佢今日冇左個超抵menu了。

Port Antico

食飽飽，去bigo旁的雪糕店食雪糕，佢Ｄ牛奶聲稱係來自Alpes，都真係好香好滑哦～

昨晚再睇書知道聖羅倫教堂有最後審判的壁畫（唔係michelanelo），本來諗住再入去睇真Ｄ，但，教堂竟然冇開門？

時間唔多，最後選擇去皇宮參觀，後悔莫及。

入去皇宮要跟guided tour而且唔俾影相，但…你冇話我知個guided tour係意大利文架喎！

真係發瘟，跟住個男導遊完全唔知佢講乜，又趕火車，想早走都要攪左好耐先搵到人帶我地走…（但我想講，個皇宮真係完全唔大囉）

熱那亞係哥倫布故鄉, 臨走前梗係要影下相啦

走了，回酒店拎行李，跟住返米蘭了。

是晚在米蘭超市買包食當晚餐。