由於佛山往香港的火車比較疏落，所以我地決定包車去廣州轉搭火車返香港。
一早起身，先在酒店樓下嘆下茶先。
飲早茶
呢間野的茶錢真係痴左線，七蚊一個人？單係茶錢都已經四十幾！
不過佢ｄ點心都幾好味！
食左好多野，大家都覺得佛山之行食得好滿足！
跟住我地所book的車11點來酒店接我地，由於大家拎住好多行李，所以我建議不如用多少少錢，租佢四個鐘，等有車送我地去火車站，咁就唔死逼餐死之餘怕唔見野。
於是我地放低所有行李在七人車中，快快樂樂地重遊上下九。
點解去上下九？因為屋企人話要買蓮香樓的餅嘛！
上下九基本上係次次上廣州都會去的地方，所以都冇拎相機影相。
買完餅，再買左少少精品，我地又一次殺入仁信食雙皮奶，重有我的重點食品－陳村粉。
哈哈哈哈…
有冇人可以話俾我知香港邊度有得賣陳村粉？
食飽野，行多陣荔灣廣場，夠鐘上車去火車站了。
三日兩夜佛山之旅，其實真係唔太夠，不過總算玩得高興，雖然今次去佛山真係貴左ｄ，但同屋企人去，冇計的。
我在佛山買的幾個小陶瓷，我的旅行手信櫃又增添四員
沒有留言:
張貼留言