27-9-2010 另一個角度遊澳門

朝早起身在酒店食早餐，亞爸話佢五點幾起身見到馬場好多馬跑喎。

哈哈哈哈…

食飽退房，跟住搭巴士去大三巴。

其實去親澳門都會去大三巴，而大三巴又冇乜太特別，只係同行姑媽話好耐冇去過，咁就一齊行下囉。

<--行緊去大三巴


在大三巴旁有一個藝術館，我地行入去睇展覽兼涼冷氣。

見到有張相係用另一個角度影大三巴，幾得意喎，即時出去偷下私先。

<--幾得意丫

<--唔錯唔錯


行完大三巴大家都唔知做乜，咁就漫無目的咁行下啦。

行行下去到白鴿巢園地，去咁多次澳門都未去過。

其實有乜特別呢？呢度有一個公園，隔離係東方基金會會址，園地有幾棵大樹遮陰，旁邊有個巴士站。

屋企人坐在大樹下乘涼，我就入左去東方基金會會址睇下。

<--都幾靚


呢度又係一個遊客都冇，不過被我發現有一隻大懶貓。

<--我好眼訓呀


貓貓躲在柱下睡午覺，好爽哦～

跟住行過隔離白鴿巢公園睇下。

<--白鴿巢公園


呢個公園都幾大，不過我冇乜時間在裡面慢慢行。

之後會合屋企人，大家一齊搭的士去雀仔園街市。

點解去呢度？因為要去探我亞媽的一個朋友。

<--雀仔園街市


呢度我估應該唔係遊客區，亞媽個朋友開食市，我地順面呃左餐食。

哈哈哈哈…

食飽飽，搭車去福隆新街買手信。

<--福隆新街


求其買左一些豬肉乾，再慢慢行下，竟然發現…

<--伊沙貝拉呀！！！


下次如果自己來澳門我一定會試下住呢間旅館的。

行行下，去到金馬輪，食左個豬扒包，跟住搭車去新葡京。

去新葡京唔係為左賭錢，而係為左搭車去碼頭。

哈哈哈哈…

但咁大間賭場竟然冇車去氹仔碼頭，太過份了！

而且新葡京真係幾麻煩，出入口又亂七八糟，廁所非常不乾淨，搭車要問賭桌職員拿票，非常不便。

所以我唔知點解Ｄ人會選擇去新葡京賭錢。

我地行去永利睇下有冇車搭。

<--永利門外靚風景


永利就唔同，又大，又冇一個烏煙瘴氣的感覺，而且有免費車去氹仔碼頭呢。

返到香港，順面整埋澳門Ｅ道過關申請，第日去澳門好方便了。