今次去的水上市場是Damnoen Saduak，位於曼谷市西南方，由市中心要搭最少一個半鐘頭車去到。
我地的tour有十幾個人，大家去到要先搭長尾船去水上市場中心，再轉駁小船遊市場。
長尾船
搭小船遊水上市場都幾得意，因為太多遊客，好多時都會有船撞船的情況。
撞喇
每當你睇中想買的野，只要你叫艇家划過來就可以，不過其實佢所賣的紀念品都真係幾貴，所以我地都只係買野食為主。
小船遊市場玩左大約二十分鐘，跟住就上岸行下食下野。
我地食左小艇煮麵。
有好多材料的
真係幾好味
跟住我地繼續食野，見到有個椰殼裝雪糕，實在太過癮喇，即刻買返過來食先！
都唔錯架
不過原來我地join的local tour並不是單純去水上市場（我以為係），所以我地未能行晒成個市場就要離開了。
芒果飯小艇
上車去第二站－騎大象。
未去到時都興致勃勃話要騎，去到，盛惠600泰幣的高價真係令我卻步，再加上原來騎大象都幾殘忍，控制大象的騎師會手握尖鉤，如果大象唔聽話就會扑落去。
佢拎住個尖鉤架
我地冇團友騎大象，只有人餵大象，其餘人士坐埋一邊hea左一陣，影下大笨象就走了。
第三站係睇蛇表演。
好多蛇
蛇show係睇人掏手捉蛇，第一條捉的係眼鏡蛇。
好勁呀
眼鏡蛇好毒，但泰國人認為摸下眼鏡蛇會為你帶來好運，當然，唔係在山邊見到都衝去摸啦。
雖然眼鏡蛇好毒，但萬物相生相剋，原來眼鏡蛇都有天敵。
就係呢隻類似老鼠的東西
佢地將條眼鏡蛇同呢隻鼠放埋一齊，隻鼠避開晒蛇的攻擊之餘重可以咬實蛇頸，不過都只係點到即止，一咬到職員就會即刻分開佢地，保證冇殺生。
最精彩係一人鬥三蛇。
左右手各一條，口咬一條
好精彩！
睇完show，再參觀下木刻廠，我地就回酒店了。
返到酒店抖左一陣，我地搭的士去唐人街。
一直去旅行都唔會去唐人街，今次選擇去唐人街係因為有朋友推介一定要去唐人街食燕窩。
唐人街
我地求其搵左間叫做亞趙的餐廳食飯，食飽飯，每人一碗燕窩丫唔該！
好好味
三百蚊泰幣的燕窩真係好足料，抵食！
食飽飽，行下唐人街，當然唔少得去林真香買野啦。
去到泰國見到土生土長的泰國人識講廣東話，感覺真係好親切。
在唐人街買左好多食物，於是又要返酒店放低野，然後再搭車去夜市。
是晚去了Suan Lum Night Market，大玩殺價！
我冇諗過自己講價可以殺到一半，好利害呀！哈哈哈哈…
之後在Night Market的露天市集食晚飯，期間見到個講普通話的侍應，令我驚訝的係佢原來係清邁人，佢的流利普通話只係在做侍應期間所學的。
好利害…
食飽，返酒店了，回去pack野，全部團友都爆晒行李箱呀！
沒有留言:
張貼留言