特別一提佢個菜，佢話係有機高山菜，都幾甜架
早上天氣非常之凍，我地食飽就行出去影下相，昨夜的寒流令到戶外都結霜了。
結了霜的木桌
影下民宿全景先！
民宿外觀
另一個角度
由於清境無駕車的話去附近景點唔太方便，所以我地商量後，決定包的士先遊合歡山，跟住回埔里。
其實去旅行前我同民宿老闆傾過，佢建議我地第一日由埔里包的士去合歡山，跟住返民宿，但當時我地覺得車費NTD2500太貴，所以放棄，不過次天我地發覺我地餘下都頗多錢（都冇乜點用過錢），所以決定豪下，唔駛趕巴士，想幾點回台北都得。
於是我地包了架的士上合歡山。
司機應該同民宿老闆有點兒聯系，一程車佢充當埋導遊，沿途都會講解一下四周的風景，佢話合歡山冇落雪，所以我地得以乘車前往最高點武嶺，說實在，我有點失望，因為我本想上合歡山看雪，不過司機話，冇雪的合歡山都一樣漂亮！
原來係真的！
由清境農場往合歡山約四十分鐘車程，沿山路而上，其實都幾驚，因為識我的人都知我畏高，山路狹窄，我坐在車廂內其實真係腳都震晒…
好不容易捱到上山頂。
合歡山車路最高點
一望無際的山群，好有氣勢！
看到山路嗎？
最令我感動的係我竟然見到雲海！
看！
大地在我腳下feel
本來我係想去台中若茵農場看雲海，怎料去到合歡山都見到，重要係咁大片雲海！
果真是塞翁失馬，焉知非福呢！
在武嶺逗留了半小時（唔捨得走），司機話車我地去合歡山莊。
呢度就係喇
去到合歡山莊，雲海更近，簡直好似置身仙境一樣，呢種感覺真的非常捧！
飄過來啦，飄過來啦
在合歡山莊，由於日照照斜不到，早兩天合歡山有落雪，所以今日仍然有點殘雪。
606：好過冇
除了殘雪，還有不少冰柱，真的很美很美。
在台灣見到少冰柱我尚且開心至此，好難想像他朝有機會去阿根廷看冰川我會有什麼感覺。
去完最美麗的兩個景點，其實都冇其他地方想去了，於是司機直駛往埔里，沿途，我當然zzz啦。
去到埔里，司機話要帶我地去吃最好味的地道牛肉麵。
其實我都想試下食當地人推介的食物，所以亦即時答應。不過事後諗落，可能司機有得收回佣。
Anyway，去玩冇計的。
就係呢碗麵
之後返去埔里客運站，轉巴士去台中高鐵站，再回台北。
是晚我地住hostel，第一次在台北唔係住酒店，都幾特別。
Hostel位於中山紀念堂站，好近捷運，冇時間限制你要幾點回去，好free，hostel名叫做Camel Oasis，有興趣可以試下。
不過我始終唔慣同人share廁所，所以下次應該唔會再住了。
放低行李，出去食晚飯。
先去西門町。
好得意的畫
都係食下阿宗麵線，街邊小檔等等。
阿宗麵線，大排長龍
其實我唔太鍾意食，不過同伴覺得好好味。
跟住要開始掃手信了，鳳梨酥係必買，不過我冇買維格（太遠了），只是在新光三越試左幾間，覺得最好味的就幫襯，另外又買了八仙果，老媽指定要買芋頭酥，最後去埋士林買衫。
好野，財散人安樂！
買完野返hostel zzz，嗚…明日返香港了…
沒有留言:
張貼留言