越南感想

1. 越南食野真係超平，叫到成張桌都係野食，只係港幣一百多少少，去高級餐廳食野，只係香港普通餐廳的價錢。

2. 胡志明市有點奇怪，成日覺得d舖頭係屬於當地人購物之地，遊客好似有點格格不入。同埋好似舖頭有點兒估唔到，呢間賣衫，隔離係五金舖。

3. 咖啡超好味，不過我個胃唔受得，所以成個行程只係飲左兩杯咁大把。

4. 超多電單車，但只顧向前行唔好因為驚而向後行就唔會有事發生，算有規律，個人覺得大陸更可怕。

5. 推介，如要買寂寞星球者可以去到越南先在街邊幫d婆婆買，我臨走時買左本越南，USD4　ONLY，當然係老翻，但製作認真，買定遲下再去越南就抵晒！

6. 越南並唔係大家想像中咁恐怖，而佢的自然景都真係好正，建議多預時間去小城市睇自然景。

7. 越南的男人似乎都好鍾意通街小便，五日四夜中見過約十個男人大街旁小解，係我唔好彩定？？？

8. 越南小朋友好可愛，唔怪之得Angelino Jolie都要領養番一個。

Fairy Stream中兩個可愛大男孩

我要上船！

你望緊乜呀？

好想搣佢塊面