26-12-2011 艋舺

今朝起身到旅館附近的餐館食附送早餐，收拾好行李就去火車站了。

由於我地買唔到快火車，今趟要搭三個幾鐘火車先到台北車站，在等火車時又有伯伯撩傾計，佢好開心咁話自己老人買票有優惠，而且一個幾鐘就去到台北囉。

嘩哈哈哈…台灣的伯伯真可愛。

上火車，訓，食，訓，咁又返到台北了。

放低行李又出去玩喇。

記得好多年前跟團去台北時去過華西街夜市，之後咁多次去台北都冇去過，今次既然有時間就再去睇下有乜改變。

先買八仙果啦，跟住行華西街，由於電影艋舺的關係，華西街夜市旁多左個艋舺夜市哦。

呢個夜市似廟街，所以都ＯＫ啦，行行下去到廣州街盡頭，見到對面馬路有間寵物用品店，行過去睇下囉。

嘩嘩嘩，貓用品超平呀！！！！！買左把梳、水樽、玩具…俾我隻貓，其實我想抬棵貓樹返香港呢。

滿載而歸，轉搭地鐵去師大夜市。

自從上次去台北簡直愛上師大夜市，是晚晚飯就在夜市的韓國餐館，抵到喊呀！

食飽，返酒店了。