本來我諗住去若茵農場看雲海，但e-mail俾佢地冇人覆我，後來買左本高雄的書，得知南投縣有一個地方叫做清境農場，景色媲美瑞士，所以我決定幾辛苦都要一遊。
好彩台灣有高鐵，由台北去台中實在太方便了，只需坐約一小時車就由台北去到台中。
高鐵車身
高鐵車內
我地坐早上七點的高鐵往台中，去到台中高鐵站坐南投客運往埔里，由於往埔里是往清境的必經之路，而由埔里往清境的巴士異常疏落，基本上坐不到早上十點二十五分的車便要等到下午一兩點再有，所以我情願早一點去清境逛逛。
往清境巴士站
時間尚早，先去KFC食個早餐先，台灣的KFC有粥食，味道都唔錯！
606：頂瓜瓜！
由埔里去清境的巴士真係一架普通巴士，竟然有企位！我以為好似旅遊巴咁。
一個鐘多點去到清境農場，由埔里往清境沿途景色都幾靚，是次下榻雲頂山莊，近旅客服務中心，往青青草原只需四十分鐘步行路程。
雲頂山莊
雲頂山莊所見的景色
由於我地太早去到，基本上都未可以入房，所以我地放低行李，往外邊食個飯，跟住去青青草原睇綿羊show。
早晚都在這間戶外小店食飯
由雲頂山莊前往青青草原，上坡四十分鐘，下坡二十分鐘，可以接受啦，當行下山。由於我地冇駕車，而清境的交通極不方便，住在雲頂山莊確實唔錯，起碼旺中帶靜，步行路程可以去到7-11。
清境天氣寒冷，好彩有太陽，行山非常舒服。
沿途
其實一直想看紅葉，估唔到呢度都見到！
秋葉真係好靚
行左四十分鐘，終於去到青青草原。
綿羊show主要係表演剃羊毛同趕羊群，主持係由新西蘭去台灣，講的普通話比我更標準（係你講得差）。
場show非常精彩，牧羊狗趕羊群原來係真的！兩隻牧羊狗好聰明，聽旨令又叻，見到有羊離群原來真係識得趕返佢入羊堆中，好強呀！
牧羊人與狗
跟住表演剃羊毛。
綿羊被佢係咁舞
呢場show幾值得睇，笑位多，而且都市人都冇乜點睇過趕羊架喇，所以真係推介。
睇完show，成個山頭都係綿羊，任你影相！
佢有部機賣羊飼料，我都買左一包餵羊。
綿羊除左白色，重有啡色架！
我勁勁勁鍾意佢，任攬唔嬲！
好開心，狂攬實Ｄ綿羊，真係好舒服呢！好多人擔心話Ｄ羊好似好污糟，我反而覺得，天然野，佢地又係食草，污糟極有限！
玩左個幾鐘，慢慢行返雲頂山莊。
沿途見到牧羊人趕羊回家了，好好笑，原來羊真係咩～～～咁叫架！係真架！！！
藍天下的小羊
返屋企喇羊咩
我係與眾不同的！
回酒店時，天開始有雲，見到少少雲海。
算係雲海啦
返到雲頂山莊，終於可以入房了！是次我豪住一晚，預訂了星空二人房。
間房都幾大，設備好完善，床有電氈，連廁所板都有發熱線！
暖笠笠，唔想起身
個客廳好relaxing，但太凍了，冇乜點用過
好鍾意呢個暖爐
貴左幾百蚊就係為左呢隻天窗。
搖控窗簾
實在太正了！
放低行李，抖一陣又出去，我地去左旅客服務中心買手信，人家去台灣係買鳳梨酥，但我買左羊乳酥同水蜜桃酥，非常好味架！
跟住去番今朝的小店食晚飯，同桌有兩個台灣人，佢地太熱情了，竟然請我地飲熱湯！雖然並唔係什麼貴價料，但我真的很感動！
佢地話，原來台灣新年係連放四天假，難怪清境那麼多人！佢地重話原來清境以前係雲南人移民多，所以在這裡最好食雲南菜。
多謝你地！
冬天早日落，回旅舍時成個天都係雲，唉…我訂了星空房打算看星的！
不過奇怪的事發生了，竟然晚上十點幾開始見到Ｄ雲散開，十一點，終於看到星星喇！
決心次天四點起床出去睇星，講得出，我亦做得到，零晨三點幾，應該零度左右著住羽絨出外看星，滿天星斗，流星都看到三粒，第一次睇星係靜到呼吸聲都聽到，個感覺好正，大自然裡彷彿只有自己一個。
美中不足係條銀河唔夠光！
點解我不在房中看星？哈哈…
因為白痴的我，竟然忘記了室內與室外溫差太大的話，玻璃係會矇！哈哈…星空二人房，當做見識啦！
沒有留言:
張貼留言