珠江邊
教授電郵話廣州人習慣早起，香港人唔慣咁早起床，突然好大壓力，盡最大能力約佢八點半，我地八點去到酒樓，佢同太太已經坐低左。
今次去愛群大廈１７樓的旋轉餐廳，其實我一直只係識Ｄ老字號酒樓，唔係佢介紹，我都唔知呢幢大廈有咁多酒樓。
香港以前都有旋轉餐廳，但到佢執笠我都未去過，反而去廣州就上旋轉餐廳食飯，好奇妙。
旋轉餐廳影落街
教授學多識廣，一路講好多歷史，連國民黨的歷史的識，我真係慚愧至極。
個旋轉餐廳真係轉的，因為食食下早餐後面位的女仔話我個袋旋走左。
食到十點，搶單失敗，唯有下次等教授來香港時來個突襲，哈哈…
跟住又行過萬菱，開晒喇，買左Ｄ無聊野，然後決定搭的士去花地灣的醫械城睇醫療用品。
醫械城好偏僻，去時容易走時難，離開時好難先截到的士。
在花地灣有個寵物用品市場，不過趕住回酒店check out，所以冇時間行，下次啦。
check out後，去酒店附近間靚坤食午飯，佢的白切雞好好味，另外重有個冰鎮生炒骨，可惜佢唔俾我影相，我連介紹俾人食都做唔到了。
食飽飽，搭的士去廣州塔。
廣州塔
廣州塔本來係全世界最高的建築物，但高左一陣又被東京超越了。
小插曲，我地在一德路截左好耐的士都冇，有個電單車女人撩我地搭佢架改裝電單車，但開價六十蚊，痴左線，我搭的士去到都只係三十。
廣州塔貫徹國內貴價景點的優良傳統，門票貴到嚇Ｑ死人，主要門票分三種，Ｅ區，Ｃ區同二樓，Ｅ區150蚊，Ｃ區50蚊，二樓20蚊。
有乜分別呢？Ｅ區係塔的最高層，Ｃ係中下層得大約百幾米，二樓就只係一個平台。
Ｅ區呢，又未係最高喎，你想上塔尖，麻煩另外俾多88蚊人仔（佢重話特價了，原價要百五架），上到塔尖有乜野玩呢？佢有個摩天輪，俾多一百，又有個類似SKY WALK的東西，又俾多幾十，重有個跳樓機，俾多一百。
海洋公園真係抵到爛，抵我買年票。
不過又難得來到，只係今日行雷閃電，唔上高層了，求其俾五十去Ｃ區算數。
其實Ｃ區都已經好高了，夠睇晒成個廣州。
Ｃ區係冇特別野的，勉強兜左兩個圈又走了。
要不是行雷閃電，我會去二沙島同海心沙的！
海心沙
搭地鐵走。
由於之後我地都係會搭火車走，而廣州塔又近天河，所以我地去天河城同書城行一陣。
書城冇乜斬穫，買唔到舊ＣＤ。
行一陣廣百百貨的超市，買左Ｄ零走就去火車站搭火車返香港了。
今次去愛群大廈１７樓的旋轉餐廳，其實我一直只係識Ｄ老字號酒樓，唔係佢介紹，我都唔知呢幢大廈有咁多酒樓。
香港以前都有旋轉餐廳，但到佢執笠我都未去過，反而去廣州就上旋轉餐廳食飯，好奇妙。
旋轉餐廳影落街
教授學多識廣，一路講好多歷史，連國民黨的歷史的識，我真係慚愧至極。
個旋轉餐廳真係轉的，因為食食下早餐後面位的女仔話我個袋旋走左。
食到十點，搶單失敗，唯有下次等教授來香港時來個突襲，哈哈…
跟住又行過萬菱，開晒喇，買左Ｄ無聊野，然後決定搭的士去花地灣的醫械城睇醫療用品。
醫械城好偏僻，去時容易走時難，離開時好難先截到的士。
在花地灣有個寵物用品市場，不過趕住回酒店check out，所以冇時間行，下次啦。
check out後，去酒店附近間靚坤食午飯，佢的白切雞好好味，另外重有個冰鎮生炒骨，可惜佢唔俾我影相，我連介紹俾人食都做唔到了。
食飽飽，搭的士去廣州塔。
廣州塔
廣州塔本來係全世界最高的建築物，但高左一陣又被東京超越了。
小插曲，我地在一德路截左好耐的士都冇，有個電單車女人撩我地搭佢架改裝電單車，但開價六十蚊，痴左線，我搭的士去到都只係三十。
廣州塔貫徹國內貴價景點的優良傳統，門票貴到嚇Ｑ死人，主要門票分三種，Ｅ區，Ｃ區同二樓，Ｅ區150蚊，Ｃ區50蚊，二樓20蚊。
有乜分別呢？Ｅ區係塔的最高層，Ｃ係中下層得大約百幾米，二樓就只係一個平台。
Ｅ區呢，又未係最高喎，你想上塔尖，麻煩另外俾多88蚊人仔（佢重話特價了，原價要百五架），上到塔尖有乜野玩呢？佢有個摩天輪，俾多一百，又有個類似SKY WALK的東西，又俾多幾十，重有個跳樓機，俾多一百。
海洋公園真係抵到爛，抵我買年票。
不過又難得來到，只係今日行雷閃電，唔上高層了，求其俾五十去Ｃ區算數。
其實Ｃ區都已經好高了，夠睇晒成個廣州。
Ｃ區係冇特別野的，勉強兜左兩個圈又走了。
要不是行雷閃電，我會去二沙島同海心沙的！
海心沙
搭地鐵走。
由於之後我地都係會搭火車走，而廣州塔又近天河，所以我地去天河城同書城行一陣。
書城冇乜斬穫，買唔到舊ＣＤ。
行一陣廣百百貨的超市，買左Ｄ零走就去火車站搭火車返香港了。
沒有留言:
張貼留言