8-4-2012 最後一日竟然係咁樣結束？

昨日在羅馬同伴未能幫人購物，今日調動好資金，準備同佢再去買過。

起身食早餐，跟住搭地鐵去米蘭大教堂。

另一個悲劇的開始。

今日係復活節的星期日，全意大利商店關門。

天啊！！！！！

過程唔講喇，只能總結…無言。

又一次教訓，下次幫人買野，一定要請對方寫定幾個choices，冇呢個有第二個選擇，同埋出發前要幫對方做心理輔導，如果買唔到請你保持冷靜，因為信我，我真係盡晒力。

今日有得入大教堂內參觀。

教堂內

然後攻頂。

門票６歐羅，如果搭lift要１０歐羅，門口寫住行樓梯總共行２５０層，我數過，是真的。

上到頂樓，寂寞星球話可以遠眺瑞士的，我唔知我睇的方向係邊，但我見到雪山，好靚。

教堂頂遠望雪山

在頂樓坐左一陣，曬一陣太陽，落樓四圍行。

教堂頂

搵唔到想食的餐廳，我地搭地鐵回酒店附近，不過餐廳全部休息，幸好超市仍開，買到手信喇。

整理好行李，拖行李去火車站，搵間餐廳食野，在意大利的最後一餐，食闊麵同雪糕。

食飽飽，搭巴士去機場，我地早左少少去機場諗住辦理退稅。

原來米蘭機場退稅分兩個位，一個寄艙就入閘前攪退稅，如果hand carry就入閘後先退稅。

之前在德國有陰影，入閘後發現原來退稅counter在閘外，所以今次問左好多次info center先敢入閘。

佢的指示牌全部都錯晒，攪左好耐終於辦到退稅了。

安心晒。

同伴在機場買到名牌俾佢另一個屋企人，唉，好彩機場商舖冇關門咋，不過由於米蘭機場冇prada的關係，都係買唔到那個指定的大袋。

搭機去多哈，轉機返香港了。