十幾年冇去過曼谷，果然十年人事幾翻新，曼谷真係變左好多好多。
一早搭泰國東方航空去曼谷，早去晚返，時間超好。
第一次用曼谷新機場，裡面有好多好有泰國特色的裝修。
例如呢個泰國神像
一去到曼谷就有得claim保險喇。
亞爸亞媽個行李被掟爛左，所以一定要買旅遊保險。
我地今次package住Le Fenix，在NANA站，完全唔近地鐵，所以出入都多數係兩架的士。
間房唔錯呀
放低晒Ｄ行李之後，我地搭的士去KhaoSan Road行街食野。
可愛小貓
其實去到KhaoSan都已經一點，求其搵間餐廳食野，食飽都冇乜點行就決定去睇下Ｄ寺廟。
中午的高山路
決定去臥佛，係因為我印象中小學去泰國時睇的臥佛覺得佢好可愛，所以想再睇下而家去睇番有乜感覺。
臥佛
唔知係咪香港人習慣去泰國都只係去買野呢？臥佛寺竟然冇乜中國人喎…
大家可以俾錢換零錢，逐個逐個放錢入去，唔知係咪用來祈福
臥佛寺附近的建築都幾特別，我開始瘋狂地影相了。
跟住睇地圖，可以搭船去鄭王廟喎，咁行去河邊啦，原來真係在對岸，近過由尖咀搭去中環。
去到鄭王廟，又係狂影相的時候喇。
鄭王廟個主塔係可以行上去，但Ｄ石級都真係幾高，所以我係半拉半爬咁走到上去最高層影相。
606：呢度風景優美
好高好高
去完鄭王廟已經四點幾，本來想去王佛寺同法醫博物館，但佢地五點左右就會關門，所以我地都係改去Siam，參觀下水族館。
搭的士去Siam Paragon竟然要45分鐘，曼谷塞車的情況真係好恐怖。
去到Siam Paragon，先去food court食下野先。
幾特別又幾好味的甜點
食飽飽，落地下水族館。
入場費800泰幣，但絕對物有所值。
先來睇一場4D電影，真係有趣，睇睇下張椅會郁，更過癮係因為太逼真，有個小妹妹竟然大喊。
套戲無啦啦變左恐怖片。
呢個水族館好得意，有好多好奇怪的魚。
我第一次見有門牙的魚。
咬死你
佢又有夜光蠍子，vampire fish…所以都睇得好開心。
我地重可以坐玻璃底船遊魚缸，有個導遊會介紹下面的魚，我地的導遊用佢所識的少量廣東話，係咁介紹＂魔鬼魚＂、＂鯊魚＂、＂好大＂…
所以我地只係知道魚缸下面有魔鬼魚（亦係唯一知道佢個名的魚，因為導遊講來講去都係魔鬼魚同好大）。
跟住再睇啦，有水豚同企鵝，企鵝個玻璃窗又係好污糟，好失望呢。
用洗衣機養魚？
大魚缸好多魚都訓左，原來佢地訓覺係咁攪笑。
一堆訓左的魚
導遊姐姐話訓覺的魚會打圈游。
佢地都係訓左
好精彩。
睇完水族館，食多少少野，就返酒店zzz了。
沒有留言:
張貼留言