15-2-2010 由十幾度去到三十幾度

買了機票於農曆年間離港旅行，不過最近的事確實令我忐忑不安。

但我知道我要放鬆一下，所以我選擇離港去馬來西亞。

之前冇心情預備是次旅行，執行李亦是早一天半夜進行，不過剛開始執行李時大廈竟然停電，要拎住電筒執野，另一方面又要好小心Heidi豬冇跳入背囊跟我去旅行。

次晨依然冇電，摸黑梳洗後出門口了。

第一次搭Air Asia，在Terminal 2登記，之後要返去Terminal 1登機，很有趣，不過都好，Terminal 2過關冇人排隊。

Air Asia真係一個驚喜，平時我在機上不能睡一分鐘，但今次佢的機位竟然讓我睡到個幾鐘。
有進步，有進步。

去到吉隆坡，先坐巴士去到KL Central站，跟住轉鐵路往茨廠街（China town），是晚下榻Swiss Inn Hotel。

茨廠街

選擇Swiss Inn只因為明早的Local tour集合地點正好在酒店對面，不過呢間酒店只是麻麻，價錢不是太便宜（港幣三百多一晚），而且我在網上指明要non smoking room，但佢依然俾左間好大煙味的房我地。

不過住一晚，算吧。

放低行李執下個樣就出去醫肚了。

第一餐在China Town旁路邊攤食串燒，三蚊五串好抵食，佢地的串燒幾得意，係放埋Ｄ青瓜一齊食的。

串燒

食完串燒，本來想去唐人街附近的冰室食野，不過可能因為農曆年冇開，我地最後去左KFC食雞飯。

海南炸雞飯

食飽飽，搭鐵路去雙子塔影相。

吉隆坡的鐵路其實唔係好方便，由一條線去另一條線係要出閘，我地更加試過出閘後過天橋過馬路再落隧道才去到另一條線坐車。

去到KLCC站，先去行一陣Suria KLCC Mall，跟住出去影雙子塔。

606又出現喇

我地來到吉隆坡係星期一，雙子塔剛巧逢星期一休息，所以我地唔可以上去觀光層望下吉隆坡全景。

由於我地想影雙子塔的夜景，所以又行返入商場，休息一會，天黑後再出去影相。

雙子塔的夜景

影完相，又係時候去食飯了。

記得讀書時代同屋企人跟團去過馬來西亞，當時第一次食魔鬼魚，一試難忘，所以今次去吉隆坡都堅持要再食一次。

我地搭鐵路去Jalan Alor，旅遊書指呢條街有好多大排檔，我地求其搵左間最多人的就坐低叫野食了。

往食晚飯期間見到的街頭表演

Jalan Alor

點了魔鬼魚、菜、燒雞翼、燒豆腐，不過魔鬼魚冇我印象中咁好味了，究竟真係味道變了，還是回憶美化了味道？

食飯期間突然有人放煙花，好恐怖，我地完全冇發現有人在附近放低個放煙花的盒，真幸運，如果個人係放炸彈的話，我地可能已經死左。

大吉利是！

食飽，搭鐵路回酒店了，期間經過一間在Swiss Inn附近的酒店AnCasa，只是比Swiss Inn貴百多元港紙，但質素比Swiss Inn好多了，即時訂埋最後一日的房間，然後回酒店休息了。

現今世界真方便，早上穿大褸還會凍到震，下午已經熱到流晒汗，呢個體驗真有趣。