呀？明明我同你食的野一樣喎，呀？唔係，琴晚老麥我地食的包唔同。
食完止痾藥，出去買支七喜然後搭地鐵去溫泉館。
布達佩斯有好多個溫泉，但同台灣的唔同，並唔係住宿地方，反而似係休閒地方多Ｄ，我地選擇去Szechenyi Bath。
由於我習慣溫泉唔帶相機，呢張係網路資料圖片
去到Szechenyi Bath，原來budapest card有得平，真好。更衣室同locker係一齊，男女基本上共用（當然會有Ｄ細房俾你入去換衫啦），換好衫鎖晒野就入去浸溫泉喇。
Szechenyi Bath室內溫泉有好多個，每個溫泉上面會寫左幾多度，今日天氣都涼涼地，浸個三十幾四十度的最舒服。
每個溫泉浸一陣，跟住行去室外溫泉喇，室外溫泉好似泳池咁大，十幾度的天氣剛剛好。
玩到十一點半，要返酒店check out了，真係非常唔夠喉呢！
沖完涼執好野就出去食飯，又去Menza食。
在布達佩斯食過兩次MENZA，寂寞星球都有介紹的
食飽，行下pest啦。
同伴病左，基本上都冇乜點行，只係路過opera house咁大把，然後三點幾又返酒店大堂坐。
歌劇院內
同伴自己休息時我就去左酒店附近行，原來在ibis附近的courtyard有間兩層的超市，呵呵…雖然今日冇得點行，但有間超市補返數。
買少少手信同貓糧（哈），然後返ibis搵同伴喇，基本上佢都唔郁得，搭的士去機場啦。
超早去到機場，呆等到八點幾上機去羅馬Ciampino機場，一路聽聞話羅馬治安好差，所以咁夜到羅馬我都唔敢去市中心搵住宿，是晚求其在Ciampino搵間酒店住一晚算了。
酒店聲稱離機場700米，又係話行到去，不過我地搭佢安排的suttle bus（當然要俾錢）都要五分鐘先到，我諗行去要行一世。
普通房一間，不甚特別，最特別係個馬桶特別高。
早抖囉～
沒有留言:
張貼留言