4-10-2011 聰明大笨象

去到清邁梗係要睇下大象啦，所以今日又係參加local tour。

其實去睇大象的tour有好多，有一個直頭係可以成日學習照顧大象，了解佢地的生活，不過今次同媽媽去旅行，似乎呢個活動唔太適合佢，所以參觀一個最平同最common的團吧。

第一站係去睇大象表演，開頭都唔知大象原來可以咁聰明，佢地會識同人打招呼，更利害係識畫畫！如果唔係我親眼見我都唔信幅畫係由大象畫的，有一隻象仔連自己個名都識寫！

真係識畫架

出自大象手筆的畫只係賣800泰幣，其實真係幾抵。

完成了

睇完大象表演，導遊安排我地坐牛拉車上山，跟住坐大象落山，其實我唔係好贊成坐動物拉車或騎動物，因為真係好殘忍，如果我唔係以為一定要坐車先去到下一站我真係未必會坐。

坐牛車

咁樣就玩左一朝，在大象營地食午餐。

下午本來係玩bamboo rafting，不過今年泰國水災嚴重，加上我地去到清邁呢幾日都有落雨，導遊擔心危險，所以我地改左去睇馬騾仔。

又一樣，有一班猴子被訓練到叻過個人，不過，都係好殘忍，我同團的南非藉太太話佢在南非Ｄ猴子在野外走來走去，唔會有鐵鍊鎖頸的。

見到佢都覺得好可憐

然後去睇老虎，大家可以俾錢同老虎影相，價錢當然唔平啦。

睇佢的小冊子介紹，佢地坦誠影相時叫醒Ｄ老虎係好殘忍，不過佢地要錢去經營，我欣賞佢地的誠實，不過都有點兒無奈。

最後一站係睇蝴蝶同蘭花，冇乜特別。

成個蘭花園最特別係呢隻貓

就咁樣由朝玩到下晝。

順帶一提我地今團個導遊真係非常得！幽默風趣又會照顧團友。其實我一向比較慢熱，而且今次要不停為媽媽翻譯，比較少同其他團友傾計，導遊都不時會問問我倆有冇問題，十分體貼。更正係我地等坐牛車或等上旅遊車時佢會出好多ＩＱ題考我地，讚呀！

回到旅舍先作小休，然後睇住地圖由住處慢慢行去夜市。（其實係一條直路）

沿途見到間餐廳，入去食左個超好味pancake，在清邁兩間食市食到的pancake都真係超讚！

真係好好味

去到夜市才五點半，好多小店剛開門，於是我地搵左間按摩店按下背脊。

按左一個鐘，爽！在清邁簡直令我愛上按摩呢。

按完就行下夜市，冇乜特別，同女人街廟街差不多，後尾我地見到有一堆人妖派傳單話夜晚有免費show睇，反正冇野做，去睇下啦。

一班疑似人妖在酒吧跳舞，我地order左兩支飲品，飲完後都走了。（期間竟然有個人妖叫我請佢飲酒，噢，實在太…驚嚇了）

呢個都幾靚丫, 真係人妖?

之後搭tuk tuk回旅店zzz。