今日去左呢間。
大頭咖啡
早上，遊人不多，一個人包場真開心。
叫左個早餐，加一杯凍朱古力，跟住又睇書寫日記，真開心。
食飽飽，在鼓浪嶼四圍行下，跟住要搭車去機場了。
見有好多錢剩番，搭的士去機場先。
今次個的士司機都幾健談，一開車就充當導遊，佢話可以經市內或海邊去機場，反正有大把時間，兜海邊啦。
終於去到環島路喇，哈哈…好彩之前冇去咋。
司機話，環島路每年都有馬拉松比賽，所以環島路旁的銅像都係同跑步有關。
成程車最好笑係個司機不停地話廈門有好幾支大砲對住台灣，一去到大砲位置佢重專登減慢車速指俾我睇，哈哈…
終於去到機場了。
廈門機場冇乜野食，餐廳勁貴，食個薯條要35蚊，真係痴線。
四日三夜廈門之旅終於結束了，好唔想返香港呢…
沒有留言:
張貼留言