坐中午機離港，去到廈門下晝三點，第一站就去呢幾日的住宿地－鼓浪嶼。
先講少少題外話，去到廈門入境好誇張，誠實的我填寫健康申報表時表示我幾日前去過曼谷，職員即時安排我去量體溫。
ok，量體溫正常。
但竟然要再去抽咽喉分泌做化驗。
發生乜事呢？我俾個職員搵支長棉花棒隊喉嚨隊到差d向佢噴射式嘔吐。
終於可以離開了。
回正題。
之前上網睇過資料，如果由機場搭的士去輪渡碼頭要幾十蚊，第一日去到，有氣有力，搭巴士啦。
搭27號公車，一小時去到，只需一蚊人仔咋！
雖然好平，但架巴士冇冷氣的…
先講下今日廈門的天氣。
37度，萬里無雲。
熱溶了…
預早一個月book了鼓浪嶼最出名的民宿娜雅的姊妹店－娜娜海岸店。好誇張的，去到我check in時聽到職員話最快要8月19日才再有房呢。
佢每間房都有名，我住的係小溪房，本來想住第二間貴少少的房，但竟然冇晒位。
我的房
佢個開揚廁所實在太利害，加埋佢有個king size浴缸，不過我四日都冇用過來浸浴。
休息一會，本來諗住聽陣歌先開始一日的活動，但晴天霹靂呀！i pod冇電，個叉電器又唔郁，想點呀？我旅行前專登買左個i pod喇叭，諗住邊睇書邊聽歌架！！！
即時問民宿職員邊度有得買叉電器。
輾轉之下（詳情唔講喇）終於去左電子城，求其入去一間買左套叉電器，即場試過，work喎。
俾錢！四十蚊人仔，我開頭以為要過百架…
好似先達的電子城
買完叉電器，有心機番晒喇～
搭番船返鼓浪嶼先。
往來鼓浪嶼同廈門，除左可以坐渡輪之外，亦可以坐快艇。
不過好似有點危險
唔知點解，無論任何時間，入或出鼓浪嶼，都係好多人，究竟Ｄ人由邊度來？
排晒隊架
頻撲左一日，返到鼓浪嶼都黃昏了。
黃昏的鼓浪嶼
四圍行下睇下Ｄ小商店啦。
鼓浪嶼有不少特色商店同咖啡室，咖啡室的裝修都幾靚，呢個感覺好唔似大陸城市。
去到其中一間舖頭，人手織布。
織緊喇
不過唔平架。
跟住見到間舖幾得意。
太有趣了
聽聞呢間火柴舖原本在香港的，但點解好似未見過既？
跟住好肚餓，要去搵野食。
見到好多人圍住架小攤買野食，唔執輸又買先。
糯米糍
好好味好好味呢～
其實由於太熱，所以都冇乜心機食野，入左去原巷口魚丸舖食番碗魚丸粗麵先。
有好多間分店架
又係好好味。
食飽，回民宿休息下。
晚上的NANA
在佢的common room借用一陣電腦，哈，乜野網頁都去唔到，真有趣。
電腦旁貼滿memo
每個遊人可以隨意貼低自己所寫的野，我最後一日都貼左張落去，唔知你地有機會去NANA時會唔會見到呢？
沒有留言:
張貼留言