4-2-2011 大發脾氣

今早8:45機飛回KL。

返到KL，搭機場巴士回China Town，是日繼續住在5 Element Hotel。

由於早幾日病情反覆，一路考慮去完柬埔寨提早回港，不過今日病情稍有好轉，決定繼續之後數日的旅程。

回程機票係由新加坡返香港，所以今日的任務係搵車落新加坡。

食左個家鄉雞（我好鍾意ＫＬ的ＫＦＣ，佢個海南炸雞飯餐真係好好味），之後開始一整天的尋找車票之旅。

先看lonely planet介紹，多數長途車都係由China Town出發，不過真係晴天霹靂，呢個站原來搬左！！！！

出師不利，但都要搵車票。

今日係年初二，原來農曆年期間係有好多人由馬來西亞去新加坡，我地由下晝一路搵到夜晚，所有落新加坡的車票都full晒。

我地７號會由新加坡返港，但７號先有車票落新加坡，今次我真係搵車票搵到大發脾氣。

再搵其他辦法啦，上網查機票，如果落新加坡，最平單程近一千港紙連稅，如果由ＫＬ返香港，要千五至三千幾，同同伴商量下，唯有買機票去新加坡了。

買完機票，就出去茨廠街求其搵間食市食飯，ＫＬ的生活指數比檳城為高，食餐飯都貴過檳城好多好多。

食飽，回酒店zzz了。