17-5-2009 深圳暴食之旅

星期日，冇野做，又冇得去旅行，近近地去住深圳頂下先。

十一點幾搭火車上深圳，今次由落馬洲過關，第一次去落馬洲過關，感覺一流。

落馬洲口岸人較少，關口亦靚好多，相信之後再去深圳，可以選擇的話我都會揀去落馬洲過關。

由於今次只係hea下食下野，所以冇帶相機，呢度的相，either手機影or舊blog的相。

過關後第一件事要醫肚，成朝未食過野呀。

早一晚在網上看過在福民路站有一間叫做大漁鐵板燒的餐廳幾好，於是決定第一站去呢度食野。

自助餐一位150人仔，其實真係香港價（甚至更貴），不過呢度的鐵板燒確實幾好味。

<--都唔錯的花之戀


我地坐卡位，上菜較慢，如果有得揀的話，建議坐近鐵板位，睇住師傅燒，燒完即刻搶來食。

<--鐵板燒，好好味


食左差不多兩個鐘（要架，佢上菜真係好慢），已經三點幾，我地去左少年宮書城買書買CD。

<--我的舊相


掃左兩隻CD，一套電影，幾本書，哈哈哈哈…其實想買多d，但考慮到自身冇能力抬兼夾屋企冇咁多地方擺，所以放棄。

買左本中國遊的書，近年竟然開始對大陸的景點有興趣，我諗我都開始接近中老年了。

<--部分戰利品（我近年幾鍾意聽超女，聽完一個又一個）


最後去埋Dairy Queen食雪糕，嘩…

飽到成晚都冇再食野了，嘿…