30-3-2013 到Pokhara了

今早起身食完早餐搭車去Pokhara，冷氣車１２０美元，不過後悔了，因為冷氣如同虛設，開窗涼過佢！

早上7:45出發，去到Pokhara約1:45，包車的唯一好處係佢會車到你去酒店門口，不過呢個司機都真係幾好笑，佢個冷氣勁差，去到都夠膽問我地攞tips！我地都未同佢講價！！！

在Pokhara四日住在Hotel Orchid，位置一般，行落湖邊約十分鐘，離最旺的湖邊餐廳區約十分鐘，我地間房在頂樓，夜晚可以行去天台睇星，唔錯唔錯。

<--酒店露台景

放低行李同酒店老闆傾下行頹山的資料，因為有自知之明，所以要揀條最容易行的路線，由Sarangot睇日出後行四個鐘山然後搭車返酒店，嘩哈哈哈…老闆開價5000RS兩人全包，已經厭倦講價的我只要覺得合理就算了。

出去食晏，食左個Fewa Lake roast fish，OK啦。

<--烤魚

行去邊影下相，之後沿湖邊小商區行逛，買左條褲準備聽日行山用，然後返酒店同老細confirm聽朝行山，跟住梳洗，之前在酒店陽台晾的衫已經乾了，真好！

<--Fewa Lake

夜晚出去湖邊的餐廳食飯，今晚竟然食中國菜，ＯＫ啦。

食埋甜品返酒店，我要睇星呀！