七點幾起床，食左個American's style的早餐，即係煙肉雞蛋加麵包，之後準備去station 2玩水同影相。
酒店露台外的吊床，我的至愛！
期間，有人招攬玩Island hopping，即是環島遊，條友開價2000peso兩個人，之後我地唔理佢，佢就自動減價減到1400peso，咁都差唔多啦，我地就此引狼入室了（詳解於第三日內容）。
今日的天氣亦不太好，九點幾，刮起狂暴雨，d沙打落腳真係痛到痴根，不過佢吹左十分鐘左右就停雨，我地亦可以出發去玩island hopping。
station 2的沙灘勁大浪，我地本來勁驚，咁點出海呀？但原來出海係去島的另一邊，而呢度，竟然風平浪靜喎。
風平浪靜
海邊玩沙的小朋友
本來我地同隻狼講，我地係兩個人包一隻船，但點知去到先發現，原來係成廿人一隻船。廿個人當中，有三個韓國人，我地兩個中國人，其餘，都係菲律賓人。
上船了
船家每去到一個地方都會講解呢度叫乜名，突然駛到去某一個地方，有兩個小朋友撐隻船過來，拋低一包野，原來準備開始第一站的浮潛活動。
初次浮潛，認真狼狽，佢支管不停地入水，船員俾我餵魚的麵包，掂水就溶，哈哈…
d水真係好清
某船員潛落水底所＂捕獲＂的＂化石＂？
大約一小時後，船員開船帶我地去第二個地方，呢度係一個小島，裡面主要有兩個cave，大家可以在洞入面浮潛。
小島入口
準備往cave1前的風景
但經過剛才的經驗，我都係游下水算了。
cave 1，可以穿過呢個洞游出海
游左一陣水，上左木筏坐左一陣，跟住又係時候起程去cave 2了。
cave 2的路程比較崎嶇，要蹲下穿過一個小山洞先去到。
cave 2
由於cave 2冇木筏，所以我只係浸下水就算。
船員哥哥潛水執左粒海星俾我，超開心！不過呢隻野係生的，所以我影完相都放生左佢。
玩完兩個cave，我地就去左某小島上食飯，是日自助餐，當然，又係志在填飽個肚。
食自助餐的地方
呢度有好多小朋友兜售紀念品，我地都買左兩個貝殼同一條手鍊。
食飽飽，又上船，今次隻行行下停左，船員話叫我地浮潛喎，但其實大家都想游下水，及後我地發現呢個浮潛活動只係突然加插，因為隻船好似壞左，要停低緊急維修。
哈哈…
＂浮潛＂完畢，終於如我地所願去左一個沙灘，水清沙幼，呢d地方真係可以住番一年半載喎。
準備埋岸
由早上十點玩到差不多五點，包埋午餐都只係700peso/head，好抵！
回程途中見到的海膽，好恐怖，佢o係我手上爬行中
返酒店沖涼，跟住出D*Mall食飯。
是晚我地選擇左去一間西餐廳食扒同意粉，一個肉眼扒、一碟意粉、一碟炸魷魚、一隻香蕉船、一枝啤酒、一杯唔知乜野汁，都唔駛三百蚊港紙。
連606都話正
唔似船的香蕉船
由於呢兩日不停濕水，帶去的衫又因天雨所以冇乜點洗，所以食飽飯就去shopping買番幾件衫，再加埋買d小手信。
買左咁多野，加埋食飯同出海玩，都只是用了2500peso，我簡直係愛上菲律賓！
沒有留言:
張貼留言