今次四日三夜台北之旅都冇認真地plan過，一切隨心而行吧。
一直去台北都會選擇坐港龍，是次坐EVA airline，佢地竟然為我地送上大驚喜，我第一次被upgrade呢！
去到台北桃園機場１點幾，然後搭巴士去台北車站，再轉的士去是次下塌的酒店－大欣大飯店。
呢間大欣…我高度懷疑係一間時鐘酒店，哈哈…不過算啦，只係住三晚。
放低行李整理儀容，首站搭捷運去龍山寺站買我父母最愛的八仙果。
李錦利
買左幾包八仙果，跟住行去西門町。
去到西門町諗住先食少少野，跟住去士林繼續食。
因為亞爸一定要食中餐，所以去左食鴨肉扁。
半隻鵝
呢一餐都唔平，四個人食左九百蚊新台幣。
食飽，行一陣西門町就搭捷運去士林夜市了。
每次去台北，士林夜市基本上都係必到點，不過我開始覺得士林夜市的野冇以前咁好食了。
亞媽最愛飲苦瓜汁，但士林的白苦瓜汁貴過西門町之餘，味道亦不及西門町好味（亞媽講的，我唔飲苦瓜汁的）。
今次都食左唔少野，雞扒、大章魚丸、泡芙、綿花冰、生煎包…
食飽回酒店，回酒店期間路經一間樓高三層的精品／生活用品店，又係時候喪買喇，哈哈哈哈…
買完，回酒店ZZZZZ，準備明早去九份。
沒有留言:
張貼留言