天啊！你係咪玩我？我走時先有太陽？四日你都唔俾我睇下銀河？
今朝早餐試下菲律賓式，都幾得意。
d飯鹹鹹地，都幾特別。
食飽飯就即刻衝出去station 1浸水同影相。
晴天下的Boracay真係好正
我都好想揚帆出海…
游下水，坐在沙灘椅上聽海浪，完全角色投入portable island，如果可以留多幾日就好喇。
超舒服
我地所寫的字
琴晚有人在此地求婚？
hea完一輪，去Fridays補番幾張相，個天又開始黑。即刻搭車打道回府，返到酒店的泳池游左五分鐘水，又開始落雨了。
pack完野後，又係時候食lunch了。是日腳痛嚴重，於是搭車往D*Mall。
包紮後的爛腳，唔係咁包住我已經行唔到
今日的午餐我想食grilled food，本來係諗住食串燒之類的東西，但搵唔到，所以最終食左grilled burger。
我地今日的選擇
餐牌之一
呢隻漢堡包係自選材料同醬汁，雖然可選的扒唔多，但個醬汁combination都唔少。
我的burger上場喇！
超好味呢～
如果有睇過我奧地利之旅的朋友，都知我對burger從不抗拒，呢個burger真係正到爆，肉入面填滿芝士，上面我自選一塊chedder cheese，燒完個包，嘩…而家諗起都流口水。
兩個包，兩杯野飲，一包薯條，加埋只係380peso，可能你會話麥當勞抵d，但咁的質素的burger，在香港起碼一舊以上！
食飽後再逛多一陣D*Mall，買多少少手信，又傾盆大雨了。
唉…
狼狽地回酒店，pack埋d手信，等左一陣，旅行社職員已經來到酒店接我地去機場。
去機場的路都幾辛苦，超大雨，背住大背囊，上車落車，上船落船，加埋腳痛，都真係幾慘。
由Boracay去Caticlan機場要搭船過海，我地坐蜘蛛船，隻船泊唔到岸，結果我地要轉隻由三人所撐的小船上岸，呢隻船，嚴重超載，我估原本只可以坐十人，而家坐左二十人，加埋各人的行李。
所以都有點一步一驚心的感覺，而我，亦準備好隨時跳船，哈哈…
去到機場，地勤人員同我地講要expected delay，機票上冇boarding time，呢個情況真係第一次見。
Caticlan機場勁多人，但一架機都冇，我都開始有點兒拗底（因為我帶唔夠錢，怕要折返冇錢用），加上見到昨日玩水上電單車的情侶，佢地的cebu air取消航班，真係驚驚地。
不過delay一小時後，在毫無徵兆下突然出現十幾架飛機，廣播又無啦啦話我架機boarding中（之前完全冇聲氣話會有機飛），咁我地又拿拿林上機喇。
終於返到Manila。
在Manila Domestic Airport停機坪上所見之天空
一出閘，旅行社職員已經有人等緊我地，上佢地安排的私家車飛奔往馬尼拉國際機場。
四日三夜的菠蘿雞之旅終於結束。
沒有留言:
張貼留言