由於下晝十二點半要去到煮泰國菜的地方（後來發現原來係一點半），所以要搵一個早開的景點參觀。
於是我地一行六人去左Dusit Zoo睇動物。
我發覺我都幾鍾意睇動物，去好多地方都會安排動物園呢一個景點，我地在酒店搵的士，個的士司機係咁說我地去Safari World，佢應該係一個旅客屈水景點。
Dusit Zoo入口
入到去動物園，你可以搭車遊公園，不過我地選擇行下路當晨運。
都畫得幾靚
呢個動物園有好多當地人去，我地一早已經見到幾團幼稚園小朋友、小學生、中學生甚至係中年人參觀。
好好玩呀
動物園有乜野睇呢？
玩水小熊
青BB蜥蝪
靚仔白老虎
有型大猩猩
海洋公園的小熊貓
唔知乜野生物
佢有一個夜晚動物的範圍，專睇一Ｄ夜間活躍的動物。
不過由於係夜間動物，個景區真係好黑，我地睇到的野好多時係一pat野加一條尾，乜野樣都睇唔清楚。
不過總會見到少少，例如日本仔新興寵物，大耳狐狸。
日本人好鍾意我地架
我地又見到有動物要去睇醫生喎。
去緊獸醫院
玩到十一點幾，我地就準備搭車去學煮泰國菜喇。
Lonely Planet有教曼谷有好幾個地方可以學煮泰國菜，今次選擇Blue Elephant，只因價錢合理，位置又方便，佢星期一至日的菜單都唔同，而且有上下晝課程，上晝會去行街市，下晝會煮多個甜品。
我地選擇下午課程。
Blue Elephant
原來我地早左去到，上午班都未完，我地個class delay左，點幾先開始。
每人去到都會有杯welcoming drink飲下。
幾好味
個course幾得意，每示範完一味菜，大家可以排隊試食，由於我地三個未食晏，每次試食我地都好似餓鬼咁即刻衝去排頭位。
示範廚房
煮泰國菜的過程真係幾好玩，不過最衰係佢個煮菜位太高，我同我朋友都要蹬高腳先可以勉強煮到，所以煮完四菜一甜品後我都真係超級累了。
大家煮完可以選擇o係度食或者拎走，我地當然要用下佢餐廳的設施啦！
12號就係我喇
都唔錯啦！唯獨左下角的蝦有點兒失敗左，因為冇聽到佢話落兩匙雞湯，我全部倒晒落去，後來發覺點解炒極都唔收水，不過唔理，照上碟，哈哈哈哈…
真係幾好味的！
食到好飽好飽，之後我地就搭車去Siam join番另一團團友喇。
原來佢地已經掃完NaRaYa，不過都照樣陪我地去買。
去到Central World的NaRaYa，全部香港人，大家好似唔駛錢咁一籃二籃咁掃，哈哈哈哈…呢個應該係旅遊景點之一。
我都買左兩個袋，跟住大家就行Big C呢間超市，我地本來諗住買Ｄ香港冇的煮食材料返去煮泰國菜，不過都係搵唔到。
最後亞媽買左個大gip，食埋飯我地就返酒店了。
今晚要早Ｄ訓，聽朝要五點幾起身去水上市場呢…
沒有留言:
張貼留言