基本上我去北京的主因係想睇下長城同胡同，跟團亦因為去長城有旅遊車會較方便。
不過去長城之前又要參加下旅行團的指定購物活動。
矇矇矓矓矓唔知睇左乜野玉石鑑定，終於可以去長城了。
是次旅遊團帶左我地去居庸關。
去到長城，超級開心，導遊一話解散，即時行下長城先。
本來諗住行高Ｄ望遠Ｄ，但得兩個鐘的自由活動時間，確實唔行得太高太遠。
長城
上程行左少少，母親大人已經頂唔順要落番去坐，我就繼續行，十月北京的天氣幾好，唔太凍唔太熱，坐在長城上乘涼看風景，一樂也。
好長好長
不過去到長城，覺得非常心痛，好地地的古蹟刻左唔少ＸＸＸ到此一遊的字樣。
要名留千古，請努力做一個好人，而唔係四處塗鴉。
由於成日擔心夠鐘，都唔敢行到好高，所以今次上長城亦係有點失望，因為今次望到的長城同我想像中都差幾遠。（我應該係經常性活於自我幻想中）
好高好高
在居庸關長城下見到有一堆鎖，唔知有乜作用呢？
用來做乜？
記得昨晚在王府井乘的士返酒店途中，的士司機問我：＂你去了長城做好漢嗎？＂
當時我答佢：＂今日還不是，明天才是好漢＂。
哈哈哈哈…
居庸關
去完長城去食飯，食飯前去睇景泰藍。
下晝係一個自費活動，參觀明十三陵。
入場券旅遊團收費130，重話團體票先有得平咋。
果然好野，我上網查過我地去的係定陵，門票旺季$65。
十三陵
明十三陵係全球保存得最完整的皇帝陵墓群之一，導遊講過在文革時期陵墓曾被破壞，不過幸好唔係破壞得好利害，所以而家我地依然可以參觀。
我在陵墓入面冇乜點影相，其實因為我都唔知有乜好影，加上陵墓都邪邪地，所以算吧。
定陵的地下宮主要有三個棺材（複製品），係超勁大的棺材…
導遊的講解好詳細，值得一讚！成個陵墓其實有好多風水美學的概念，導遊都有解釋到，唔錯唔錯。
呢個陵墓都真係好大，以前皇帝建陵墓真的可謂勞民傷財，比起我自己，我成日話死後將Ｄ骨灰撒落海就可以。
所以我只能做一個蟻民。
去完十三陵，旅行團安排左個摘生果的行程。
奇怪…
好甜的蘋果
我地摘左五個蘋果，其實真係幾甜幾多汁。
摘完蘋果就去寶樹堂聽講座…
又係唔知自己聽左Ｄ乜。
晚飯時間睇變臉。
都唔知係好笑定點，變臉師傅係行到去你的桌邊，變完一次就收工，但當有新一圍的人客來到，佢又行番出來再變一次。
變臉
食飽飯後旅行社安排左個特別中秋賞月活動，去鳥巢身後的一個運動場睇表演。
成場表演都幾好笑，佢安排左個跆拳道定空手道的表演，有一班小朋友在耍功夫，頹得可愛。
完全一Ｄ力都冇，但好可愛
坐左兩小時，之後返酒店了。
在北京的中秋節月亮
沒有留言:
張貼留言