6-2-2011 對新加坡改觀

今朝九點半先起身。

昨晚在便利店買左個杯麵做早餐，食完杯麵後去China Town搭地鐵去little india。

<--little india


新加坡的little india比檳城的整潔，不過物價亦比檳城貴得多。在little india內有得畫印度紋身，其實都心郁郁，不過驚紋得唔靚，所以都係算囉。

天氣真係好悶熱，兜左一陣就求其入左一間印度餐廳食印度菜。

其實餐牌的野除左nan bread之外我地都唔知係乜，求其order左Ｄ野食食飽肚就算囉。

<--叫左都唔知係乜的印度餐


不過呢餐都幾好味，而且唔算貴。

好多人去新加坡都會去聖陶沙，但咁岩我同同伴都冇興趣，而環球影城因為入場費太貴，我倆又唔係好玩機動遊戲，本來諗住去烏敏島踩下單車，但同伴怕我感冒未好會暴斃島上，所以我地最終決定去動物園。

大部份人去動物園都係選擇night safari，但我地選擇下晝去動物園，首先搭地鐵去到Aug Mo Kio Station，跟住搭巴士就到。

呢個動物園真係好多野睇，動物們都相對地自由，猩猩猴子可以四圍走來走去，好開心。

<--猩猩甲搵到個袋，猩猩乙開始爬山

<--猩猩甲拎個袋當衫著，猩猩乙爬得好開心

<--猴子甲


估唔到有科莫拉多龍同草泥馬（llama）睇。

<--中國神獸草泥馬


在動物園影到爆晒咭，重有好多動物都冇影到，好可惜呢。

我地在呢個動物園真係玩到唔捨得走。

離開動物園，搭地鐵去Bugis站。

是晚約左個網友食飯。

哈哈…你地冇睇錯，真係網友。呢個網友我識左超過十年，當年我好鍾意睇足球，極愛迪比亞路，而呢個網友就鍾意恩沙基，哈哈…祖雲達斯最強前鋒組合呀！

佢開車車我地去左東部食德國菜，但超唔好意思，佢請我地食飯，又買左我最鍾意的餅店小食請我食。

更可怕係，天啊，在新加坡最飽係呢餐。

佢來香港我一定請佢食足十餐！

食飽飯，佢車我地返酒店，實在太感動了…