25-6-2010 第一次去漁人碼頭

本來計劃今日去九份，但一早看天氣預報得知今日會落大雨，所以不宜遠行，就改去淡水吧。

其實去過淡水幾次，不過每次都冇機會去漁人碼頭，今次專登去睇下有乜咁特別。

我地九點幾去到淡水，老街小店全部未開門，一直落住雨，我地決定搭的士去漁人碼頭。

搭的士都要十分鐘，沿途好似又上斜又落斜，諗起之前有朋友竟然在曝曬下由捷運站行兩個鐘去漁人碼頭，認真利害。

去到漁人碼頭，在情人橋影幾張相，睇下海浪。天，一直落大雨。

情人橋

跟住在附近的小店買下手信（買到要寄返酒店呢，哈），在等停雨期間我地去左參觀一間情人橋旁的一間小屋內看魚業展覽（？），裡面的婆婆竟然請我地食野，呵呵…台灣人真係好熱情呢～

之後搭巴士去返淡水老街食野。

食過擔仔麵同阿給，又買了魚鬆同我最愛的滬尾餅店栗子酥，再買下小髮飾，之後準備離開淡水了。

回捷運途中被信不信由你館的巨兔所吸引，乖乖付上NTD59入去參觀。

隻巨兔同愛護動物協會被人遺棄的白兔差不多size，有點失望。好彩亞爸亞媽冇入去睇。

真係唔係好巨大…

其實我未見過麝香係點樣的…

在門外招呼遊客的鸚鵡

睇完後回酒店休息。

訓左一個鐘，四點再出動。先行行酒店附近的李記製餅試食鳳梨酥，不過唔太岩我口味。

之後去新光三越行一陣搵下上次去台北時買過的鳳梨酥，不過竟然冇左？？？

搵唔到鳳梨酥，不過都行左一陣新光三越，九樓個新活館賣的野好似幾得意喎…

是晚我地去師大夜市。

去左幾次台北都冇行過師大夜市，非常可惜，師大夜市的野真係幾岩我行呢！

我地選擇左据扒，哈哈…咁大個女第一次路邊据扒。






之後同亞媽穿梭夜市喪買，師大夜市真係好平呢～

食埋糖水先八點幾，我覺得台北之旅唔可以咁早結束，所以送屋企人返酒店後就自己出來行誠品，今次行左市政府站間誠品。

其實我個人都幾enjoy一個人去旅行，所以今晚一個人行誠品我都非常高興，想行邊就行邊。

除左睇書，少不了睇ＣＤ，不過點解好似咁少華語碟既？本來諗住來台灣掃華語碟的。
最後買左四本書，回酒店ZZZ了。