3-2-2011 hea遊暹粒

主要的遺址都睇晒，所以今日我地hea遊暹粒。

同司機溝通出現左少誤會，我地十點先出發，首站去Royal Palace睇蝙蝠。

<--Royal Palace

<--樹上的蝙蝠


睇完蝙蝠，四圍無聊咁行下。

司機問我地食唔食昆蟲，佢帶我地去左一檔街邊檔，有幾堆炸昆蟲，司機話好好味，但我真係唔敢試喇。

之後佢帶我地睇下絲綢同紀念品店（應該係旅行社專去的地方）。

冇乜特別，我地改去central market同old market買紀念品，然後食飯。

<--Central Market


飯後又回旅館小休，然後三點幾再出動去睇豆蔻寺（Prasat Kravan）。

<--Prasat Kravan


今日我地冇請導遊，去到豆蔻寺，真係唔知自己睇緊乜。

所以好快睇完就離開了。

去暹粒前真係非常唔熟悉柬埔寨的宗教歷史，所以都唔知重想去邊個寺廟，睇旅遊書，有幾個想去的地方都要另外買票，餘下時間又唔多，我地叫司機求其帶我地去睇下寺廟算數。

由於我地今日會去巴肯山睇日落，司機叫我地去巴肯山隔離的Baksei Chamkrong行下，跟住上巴肯山睇日落。

開始認得Ｄ路，巴肯山位於Angkor Wat同Angkor Thom中間，近Angkor Thom入口，在旁邊有個冇乜人去的遺址，即是Baksei Chamkrong。

<--Baksei Chamkrong


影左一陣相，就行去巴肯山（Phnom Bakheng）睇日落，上巴肯山可以選擇行路或騎大象，之前去泰國發現騎大象係一件好殘忍的事，加上廿蚊美金上山實在太貴，所以我都係行上去算喇。

上山的路果然係沙塵滾滾，幾經辛苦終於上到山了。

<--巴肯山


巴肯山睇日落的人潮比前兩日睇日落時更利害，好彩算早上山，霸到個靚位，而呢度睇日落都唔錯，感覺比前兩日靚。

<--巴肯山日落


太陽好突然咁被一舊雲吞左，當太陽消失後大家都一齊落山，其實遺址的樓梯既高又窄，突然一堆人一齊落山真係幾危險的，最恐怖係我見到有人抱住個細路咁落樓梯，我都真係替佢抹一把汗…

落山後，又去old market食晚飯。

今晚在街邊食燒烤，哈哈…

食燒烤期間見到好多架旅遊車經過，九成係韓國團。

估唔到柬埔寨係韓國人的旅遊熱點。

食飽飯，由old market行回guesthouse，職員果然冇呃我地，十五分鐘回到旅館了。