今次襯住五一公眾假期，同屋企人上佛山玩三日兩夜。之前我上親廣州都話想過佛山，奈何次次都冇時間，今次終於可以去到了。
上佛山其實最多人選擇坐巴士，不過同老人家去玩，豪少少，坐直通火車。
上到佛山一點幾，出左火車站，竟然截唔到的士？我開頭以為佛山同廣州咁近，的士會一樣多，但原來係一個天大的錯誤，之後的日子我真係好少見到空的的士。
我地搭巴士去祖廟路站落車，諗住搵酒店，不過原來酒店近祖廟站，遲左個站落車，我地唯有慢慢行去酒店啦。
行行下，見到一間叫做玫瑰園餐廳的東西，我地決定先入去食野，食飽再繼續。
呢間餐廳都有唔少野食，中西法意泰都有，我地叫左幾個飯share來食，之後就叫甜品。
佢個甜品經典囉，我食的甜品竟然係叫做拉登一號。
呢個就係拉登一號
更好笑係我地叫左個杏仁霜，竟然係一壺咁上，waiter重要將佢分做六小杯。
成壺杏霜
食甜品都食左成舊水，我地都真係痴痴地線。
食飽去酒店。
今次三日兩夜我地選擇住佳寧娜大酒店，上網預訂都只係三百幾一晚包早餐，算唔錯啦。
都唔錯啦
最正係佢房竟然有＂世界小姐大賽指定產品＂喎。
世界小姐比賽要呢Ｄ來做乜？
放低行李都已經四點幾，好多景點都收五點，所以我地請酒店幫我地book兩架的士，去石灣公仔街買下陶瓷。（因為五一，好難截車）
去到公仔街都差不多五點，公仔街有好多間舖，賣的野亦有所不同，所以要搵好野，真係要慢慢揀。
呢對公公婆婆好得意
下面的花瓶好靚，其實好想買，不過間舖的女人態度惡劣，兼夾每次出價都唔同，所以放棄。（第一次38，跟住50，之後又話38，你係咪痴線架？）
帶唔到你地返屋企了…
公仔街盡頭有個湖，我地影左幾張相就走了。
呢度令我俾蚊咬
大蕉
突然見到個夜市喎，我地去到時係六點，但舖頭先剛開門。
好似廟街
行左一陣，決定回祖廟搵野食。我地搭巴士，去到季華四路，見到有個季華美食城，即時衝落車食野。
裡面有好幾間酒家架
今晚有唔少人擺酒，原來佛山人結婚，一對新人一早會企在門口迎賓，同香港好唔同喎。
我地求其搵左間酒樓食飯，是晚叫左八個菜，又魚，又豬手，又魷魚，又菜…
不過最好味係個蕃薯餅。
半打蕃薯餅，半打南瓜餅
飲飽食醉，搭巴士返酒店zzz了。
沒有留言:
張貼留言