內藏山距離首爾三個鐘頭車程，我地可以坐巴士或者火車（火車少一個鐘），根據韓國觀光公社的指示，要先由首爾坐車去井邑，跟住坐171號公車就會去到內藏山。
就係呢Ｄ巴士喇
其實呢Ｄ巴士都幾舒服，司機開車唔會好快，座位又可以較高個腳位，所以我在車上訓足三個鐘！（正確係來回共訓足六個鐘）
去到井邑站，開始雞同鴨講的生活。首先我地搵唔到171巴士站在哪，問人都唔知可以點問，後來我決定寫低內藏山的韓文指俾人睇，有個亞叔就叫我地上一架準備開車的旅遊巴…
嘩…
又係溝通唔到，點買票呢？點俾錢呢？
落車時一輪雞同鴨講之下終於俾到錢…
溫馨提示：呢架旅遊巴係不停站直達內藏山，在井邑長途巴士總站內上落車，基本上方便過坐巴士好多好多，一程只需千三WON。
去到內藏山已經十二點幾，要食飯先。
有個女人好熱情咁捉我地入去佢間餐廳食野，我地諗住手指指都食到啦，原來又係錯的！
成個餐牌都係韓文，哈哈哈哈…
用晒手語、畫畫、廣東話、普通話、英文、日文（只係唔識韓文）……終於叫左一個牛肉飯。
就係呢個喇
不過我戒緊食牛，哈哈…
所以我都係掃街食小食算數。
食飽開始行上山，由於時間關係，我地選擇先搭接駁巴去纜車站，上山後落山，然後步行回入口。
準備上山
由於內藏山重未係全盛時期，山上的樹都未變色，有點失望。
在山上行一陣就落山了。
紅葉
山腳的紅葉更精彩，不過唔知係咪我期望太大，所以去到現場其實有點兒失望。
楓葉馬路
一直覺得紅葉要有水池在旁先會靚，有山有水才是絕配，山腳下有個小湖，算唔錯啦。
山下的小湖
時間不足，去唔到內藏寺，有點可惜呢。
606賞紅葉賞得好開心呢
逗留左約三個鐘就行番去巴士站了。
去到巴士站送車尾，要等半個鐘的下一班車去井邑。
去到井邑又要等半個鐘車出首爾，天啊…
回到首爾已經晚上九點，搭地鐵去東大門呢個不夜天食晚飯。
求其入一間餐廳食野，手指指叫左個冷麵。
冰鎮冷麵
成個冷麵都係冰，果然好冷呀…
我地食到最後先發現佢旁邊有一杯熱湯，估計應該係用來浸麵。
好低能呢，哈哈哈哈哈…
東大門的商場好多都係收零晨五點，最衰我地唔係住近東大門，否則我呢個夜鬼一定越夜越精神！
大約十點幾就回酒店了。
沒有留言:
張貼留言