天啊…
有個職員上來幫我地整整部冷氣，但佢一上來，發覺整唔到後就去幫我地開窗…
估佢唔到…不過太眼訓喇，唔理咁多，繼續zzz。
訓到七點幾起身，食完早餐就準備去七寶古鎮。
由於帶住兩老，費事佢地坐太耐車，所以放棄去朱家角等水鄉，七寶位於上海市郊，又有點水鄉味道，所以當補償下啦。
我們先在酒店附近搭巴士往上海體育館，再轉乘巴士上佘線，約四十分鐘左右去到七寶古鎮。
七寶古鎮之所以叫做七寶，是因為她有七樣寶（但邊七樣？我上網搵唔番呢）。上海亦有句說話：＂陸家嘴看十年上海，外灘看百年上海，七寶看千年上海＂。好利害呢！
七寶老街真係人山人海，當日落雨，但好彩並不是大雨，我們沿著老街穿穿插插，一路行，一路買野食。
行行下，我地去到一間講古時布織工業的小型博物館，反正來到，又只是五蚊人仔，就入去看看啦。
這個博物館都幾大，幾抵看。
之後我地又繼續行，去左小河邊的食市區，先買幾隻小籠包，再加兩個海棠糕做前菜，食飽飽，即在河邊影相。
其實我們可以乘小船遊河，但落雨，所以都係放棄。
過河後再繼續行，同行者發現有臭豆腐，一蚊三件，即刻衝去買。
好臭好臭好臭…
佢地食飽之後，突然發現了一個蟋蟀博物館，又入去，哈…
佢展示左一些以前鬥蟋蟀的工具，又有一些蟋蟀標本，博物館中話，傳說乾隆好鍾意鬥蟋蟀，有一次佢經過七寶翻車，d蟋蟀走甩，所以七寶有優質的蟋蟀。
都幾有趣。
之後我地去了一間川菜館食飯。
點了最開心的叫化雞，最出名的涮羊肉，最油膩的炒生菜，最好味的鴨米粉，同…最可怕的沸騰魚…
這碗鴨肉米粉只是七蚊，有鴨血、鴨腎…基本上好似有晒成隻鴨，幾好味。
呢個經典了。
點菜的小妹推介，我地不虞有詐叫左一個，點知一送上桌，嚇死，成個窩都是油！其實是用一窩油浸熟魚片肉，嘩嘩嘩…
不過其實幾好味。
我最愛始終係叫化雞。
食飽飽，多行一會就返酒店休息休息，之後我們再出動去食大閘蟹。
期間，路經福州路，那當然要去一去七層高的書城啦。
不過我有點兒失望，我想要的書都找不到。最後只係買了兩本書。
都好，唔駛咁重。
我地今晚的目的地是成隆行蟹王府，呢間野出名貴，不過豪下啦。
原來呢間野要訂位，幸好我們早到，剛好有位，即刻入去食大閘蟹了。
呢度的大閘蟹都幾貴，一隻最平都要$188，但其實我唔太食蟹，只係志在食過，所以四個人只係叫了一隻蟹，跟住點其他小食。
我地還點了手撕鹽焗雞、蟹子炒飯、薯蓉蟹斗、炒麵同雲吞，其實都夠飽。
食飽飽，行了一會南京路便轉戰新天地。
新天地其實只是上海蘭桂芳，同兩老一齊，當然唔可以坐低飲野啦，不過我竟然可以在新天地買到postcard，我還以為全上海市的旅遊區都冇得賣呢。
在新天地的酒吧中見到拿度對費達拿的大師盃對賽，嘩…超後悔今日在體育館冇買黃牛呀！！！
由於掛住看兩強對戰，無心再行，我地就返酒店了。
但可惜，返到酒店竟然發覺冇得看網球，嗚…
沒有留言:
張貼留言