早餐後去睇絲綢，又係被人sell絲絨被，好貴，成千蚊一張。
亞媽問我駛唔駛買番張，我考慮左一秒答佢：＂我都冇幾何訓覺。＂
幾個賣野的地方我地力保不失，一蚊都冇用過，哈哈哈…
睇完絲綢，導遊帶我地去左三里屯一個新商場，行半個鐘。
多謝晒。
跟住食午飯，食飽飯去鳥巢同水立方。
其實琴晚都去過呢度，不過冇進入場館，今次旅行團包入水立方，唔錯唔錯。
國家體育館、鳥巢同水立方全部在附近，舊年奧運中國掃金的情況我仍然記得。
國家體育館，國家女子體操奪金
鳥巢，劉翔無辜被鬧的地方
水立方，跳水隊狂掃獎及菲比斯神勇奪八金的地方
三個地方我最鍾意水立方，所以可以入去參觀我都幾開心。
真係幾靚，在水立方內觀賞比賽一定好正。
影過相，又要離開。
奧運五色女子
參觀完奧運場地，再頹遊下沉花園。
下沉花園係奧運場地附近的一個小花園，佢最特別之處係有個地方地下有水噴上來，導遊話由於奧運期間北京天氣酷熱，呢個設計有助遊人降溫。
哈…好有心思喎。
之後旅行社安排左腳底按摩個半鐘…
我就同幾個團友吹水吹足個半鐘。
吹完水，去食餃子宴，四點半要食十碟餃子，我諗我呢一世人都冇乜幾何有咁的機會。
食飽，去機場，五日四夜的北京之旅就此結束。
沒有留言:
張貼留言