26-12-2009 休閒半日遊

係時候要離港充下電喇，聖誕假期乜都貴，北上尋歡吧。

本來想去廣州或澳門住番一晚，不過小公主Heidi病左要餵藥，不能假手於人，所以上深圳半日，行下書城買下書買下碟算囉。

之前聽過深圳地鐵購物中心站有Ｄ野行，所以首站就係呢度。

搵野食先。

<--CoCo Park

<--CoCo Park again


不過我對大型商場其實都係興趣一般，所以只係搵間野食飽飯就走了。

是日選擇左一間叫做大馬椰林的餐廳食飯，竟然坐到鞦韆桌。

<--大馬椰林餐廳


鞦韆桌試坐一次好喇，飯前飯後搖下搖下都幾好玩，但食飯時確實係幾唔方便。

叫左個椰汁海鮮飯同麵包雞。

<--椰汁飯

<--麵包雞


個飯非常重椰汁味，好香好正。

好多年前跟團去過馬來西亞食過一次麵包雞，回味無窮。今次同我以前食的好唔同，以前的麵包雞係成個麵包包住隻雞，這次係一條麵包裝住Ｄ雞。

不過都好好味。

食飽，行一陣商場就去書城了。

大有斬鑊！買左幾隻碟，最重要係買左兩本獸醫的書。

盡靠獸醫不如自己認識多Ｄ，我要我家愛貓健健康康。

<--大把碟，有排睇了