跟住搭shuttle bus返機場，轉機場巴士去羅馬中央火車站，羅馬住宿在火車站旁，都幾方便。
放低行李，去火車站買張Roma pass先，三日兩夜，所有交通唔駛錢，首兩個博物館或古蹟免費。
買完Roma Pass，第一站就去鬥獸場喇！有pass唔駛排長龍，好快就入到去。
鬥獸場外觀
不同年代有不同的虐殺他人方法，在古羅馬，變態的貴族就將Ｄ所謂罪人放入去呢個場入面，跟住放Ｄ獅子老虎咬佢地。
鬥獸場內
我一直唔明白究竟咁樣有幾好睇？勞師動眾起個咁大的場地做埋Ｄ咁的野。
鬥獸場宏偉，但唔靚。
影左陣相，離開鬥獸場，行過隔離的Palatine同Roman Forum。
palatine
palatine內靚花
廣場好大，我地逗留了差不多兩個鐘，呢度簡單來說就係一個廢墟，或者我因為去過雅典的關係，今次來到呢度俾唔到我一個＂嘩＂的感覺。
廣場巧遇可愛小貓
在廣場會見到Ｄ導遊帶隊講解，有時我會扮野企埋去附近聽下，長大了，其實對參加旅行團或者請導遊都唔太抗拒，不過唔係參加本港趕鴨仔團，在一個地方有個人講解歷史俾你聽都幾開心，雖然事後多數都會忘記晒。
羅馬廣場
去完羅馬廣場，沿小路行，其實唔知自己去左邊，不過正所謂條條大路通羅馬，總會去到一Ｄ特別的地方呱？
行行下，哦？去到威尼斯廣場喇喎。
回頭一望見到一個白色大建築物，其實睇住地圖我都唔係好知自己o係邊，問問旅遊警察，佢地話係Vittorio，原來即係Vittorio Emmanuel II Monument，可惜我地去到已經五點關門了。
Vittorio Emmanuel II Monument
知道自己在威尼斯廣場，有路標，就可以睇住地圖去許願池喇。
途中經過Trajan's column，在附近搵左間小店食件pizza先。
Trajan's column
醫完肚，又起行。睇住地圖好快去到許願池了，唔知幾時的傳說，背向許願池掉個錢幣入池，掉中左就代表你有機會再返羅馬，因為呢個傳說，好多人起勢咁掉錢落去，為羅馬政府帶來龐大的額外收入。
許願池
影過相，在附近買Ｄ手信先，好多１歐羅手信，抵買！
買完，行去萬神殿。
萬神殿
按維基百科所說，萬神殿埋葬住唔少名人，而呢度而家變成教堂加遊客景點。
萬神殿內
去完萬神殿都已經天黑了，在萬神殿附近搵左間餐廳食飯，食飽就搭地鐵返酒店休息。
沒有留言:
張貼留言